LEXO PA REKLAMA!

SHKARKO APP

Censi i popullsisë/ Rama: Fonde nga BE-ja, qytetarët të bashkëpunojnë për këtë veprim patriotik

13 Shtator 2023, 10:27, Politikë CNA

Censi i popullsisë/ Rama: Fonde nga BE-ja, qytetarët të

Kryeministri Edi Rama gjatë fjalës së tij në konferencën për nisjen e Censit të Popullsisë dhe Banesave tha se për këtë nismë të re qeveria shqiptare do të marrë fonde edhe nga Bashkimi Evropian. 

Ai e cilësoi këtë një nismë shumë të rëndësishme dhe tha se INSTAT nuk ka asnjë ndikim politik, për të nxjerrë shifra të rreme. 

 

"Censusi është një nismë shumë e rëndësishme. Kemi bërë deri tani 11 censuse. Censuset kanë qenë të kushtëzuara nga realiteti ku kanë qenë. Sot kemi kushtet që të nisim një proces me kaq rëndësi dhe ta bëjmë sipas standardeve evropiane. Është një ushtrim i vështirë, por të dhënat janë një nevojë absolute për shumë arsye. Pikësëpari për të identifkuar realisht sa shqiptarë, sa qytetarë të këtij vendi jetojnë në këtë vend dhe sa është numri i pasurive të tyre të patundshme. Duhet të jemi të saktë në numërim, kemi mbështetje nga BE-ja me një fond të konsiderueshëm, 55% qeveria shqiptare, pjesa tjetër partnerët. Për partnerët gjermanë kemi GIZ një institucion që ka treguar seriozitet. Nga ana tjetër kemi teknologjinë e lartë. Do t'i kemi shifrat në kohë reale. Jam krenar që INSTAT është i çliruar nga politika, nuk merret më me qoka politike, as nuk përgatit më limonata me rritje dyshifrore të Shqipërisë. Nuk bëhet shkak që Shqipëria të fshikullohet në raportet evropiane për statistika të rreme. Bashkëpunim për qytetarët, të gjithë ta kuptpojnë që censusi ka një motiv patriotik. Ka shumë rëndësi që numri i shqiptarëve që jetojnë në këtë vend të jetë real. Në 6 javë do të trokitet derë më derë", tha kreu i qeverisë. 

Procesi i censusit të popullsisë pritet të nisë më 18 shtator dhe rezultatet do të dalim në 30 qershor të 2024. 

 

Lajmet e fundit nga