web counter
LEXO PA REKLAMA!

SHKARKO APP

App Store
Google Play

Spahia “i kërkon llogari” Spiropalit/ Përgjigju! I ke takuar Bajrajt dhe Pëllumb Gjokën gjatë fushatës?

11 Shtator 2023, 21:39, Politikë CNA
Spahia “i kërkon llogari” Spiropalit/ Përgjigju! I ke
Ish-kryebashkiaku i Shkodrës, Bardh Spahia

Ish-kryeministri Sali Berisha ngriti sot akuza ndaj ministres së Shtetit për Marrëdhëniet me Parlamentin, Elisa Spiropalin, se ka drekuar gjatë fushatës elektorale me bandat e Shkodrës dhe Bajrajt.

Pas këtij denoncimi të Berishës, një reagim ka ardhur nga ish-kryebashkiaku i Shkodrës, Bardh Spahia.

Ai deklaron në rrjetet sociale se Spiropali është takuar para dhe gjatë fushatës elektorale me persona që sot gjenden në burg për vrasje dhe porosi vrasjesh.

Spahia i kërkon minitres të përgjigjet nëse është ajo që i ka përfshirë Bajrajt dhe Pëllumb Gjokën në zgjedhjet e 14 majit.

“Për Elisën e bandave!

Sali Berisha deklaroi sot se Elisa Spiropali nuk u bë dot Ministre e Jashtme, siç ëndërronte, sepse për të ka video të takimit me bandën e Bajrave në Shkodër.

Para dhe gjatë fushatës për zgjedhjet lokale, në rolin e drejtueses politike për PS në Shkodër, Elisa Spiropali është takuar me persona që sot gjenden në burg për vrasje dhe porosi vrasjesh. Ajo ishte e dërguara fuqiplotë e Edi Ramës, koordinatorja mes qeverisë dhe bandave, duke ngritur një konglomerat të paprecedent me një ndërthurje të krimit të organizuar, strukturave qeveritare dhe figurave "politike" të inkriminuara, ajo ishte garante për çdo kërkesë të tyre ndaj qeverisë, në shkëmbim të blerjes së votave dhe kërcënimit të zgjedhësve.

Mund të thuhet fare mirë se mbas Edi Ramës, Elisa Spiropali ndodhet në krye të listës së masakrës elektorale për zgjedhjen e Benet Becit në Bashkinë e Shkodrës. Edi Rama e njeh shumë mirë rolin e saj, bandat dhe personazhet me të cilat ajo takohej dhe koordinonte blerjen e zgjedhjeve, sepse i kishte miq e për ta kishte firmosur më herët edhe rolin e investitorit strategjik në Velipojë.

Ka ardhur koha që Elisa Spiropali të pyetet nga drejtësia!

Që përpara se SPAK-u të bënte publike bisedat kriminale të bandave ortake me qeverinë, në Shkodër diheshin kontaktet dhe takimet e saj me Bajrat dhe Pëllumb Gjokën. Diheshin komunikimet direkte me ta, për t’i përdorur për blerjen e votave. Prandaj sot, nuk është koha që Elisa Spiropali të flasë me gjuhën e bandave!

Koordinatorja e bandave duhet të thotë qartë: i ka takuar dhe përfshirë ajo Bajrat gjatë fushatës apo jo? E ka takuar Pëllumb Gjokën gjatë fushatës apo jo? Pasi të sqarojë këtë moment, le të bëjë edhe politikë… për aq ditë sa i kanë ngelur në politikë!”, shkruan ish-kryebashkiaku I Shkodrës./ CNA





Lajmet e fundit nga