web counter
LEXO PA REKLAMA!

SHKARKO APP

App Store
Google Play

Bardhi, “shuplakë” Ramës: Nuk është i aftë të mbrojë emërimet e tij

11 Shtator 2023, 14:47, Politikë CNA
Bardhi, “shuplakë” Ramës: Nuk është i aftë
Gazment Bardhi

Gazment Bardhi, kreu i grupit parlamentar të PD-së, ka shprehur revoltën dhe shqetësimin e tij pasi kryetarja e Kuvendit, Lindita Nikolla, rrëzoi kërkesën e deputetëve të opozitës për debat për ndryshimet në qeveri.

Bardhi në një prononcim për mediat, vuri në dukje mungesën e kryeministrit Edi Rama, i cili nuk ka qenë sot në seancë, ku në Kuvend janë miratuar emërimet dhe shkarkimet e ministrave të qeverisë së tij.

Ai u shpreh se Rama është i paaaftë të mbrojë emërimet e tij dhe sado makiazh të vendosë nuk e mbulon dot vulën e korrupsionit.

Bardhi nënvizoi se nuk ka rëndësi nëse vendos emra të rinj apo të vjetër sërish do të vijojnë të mbrojnë aferën e sterilizimit apo atë të inceneratorëve.

“Së pari, do të duhet të ndaj shqetësimin që edhe pse sot u riformatua gjysma e kabinetit nuk u lejua një debat.

Pse ditën e parë të shkollës shkarkohet ministrja e Arsimit dhe emërohet një tjetër.

Pse shkarkohet ministrja e Jashtme kur kemi para samitin e Berlinit. Ajo që vihet re është se edhe ku propozimet e kryeministrit vijnë për votim është i paaftë të vijë për të mbrojtur emërimet e tij. Sado makiazh të bëjë Rama vulën e korrupsionit nuk e heq dot.

Nuk ka asnjë rëndësi se ministra të rinj apo të vjetër të Ramës njëlloj do vazhdojnë të mbrojnë sterilizimin dhe inceneratorët. Problemi nuk është kabineti, por kryeministri Edi Rama”, tha Bardhi./ CNA





Lajmet e fundit nga