Basha parti me sekretarë dhe pa anëtarë

9 Shtator 2023, 13:52, Politikë CNA

Lulzim Basha, kreu i PD-së së vulës

Sot, Lulzim Basha mblodhi Këshillin e tij Kombëtar të PD-së së vulës, partisë së tij dhe familjarëve të tij për interesa personale, private që kanë çuar në çmontimin dhe sakatimin e opozitës. Sipas vetë Lulzim Bashës, partia e vulës është ku thërret qameti dhe nuk ka anëtarësi dhe s’ka struktura.

Këtë e deklaroi vetë Lulzim Basha kur theksoi se, ishte hera e fundit që nuk kishte kandidatë në Kukës, pasi kishte vendosur që të mos nxirrte një emër përballë socialistëve, por nuk deklaroi mbështetje publike për Emri Vatën e PD-së së Berishës.

KQZ e regjistroi si subjekt/ Basha ngre "duart lart" për zgjedhjet në Kukës: Nuk kam kandidat
9 Shtator, 11:40

Basha pranoi publikisht se, strukurat nuk ekzistojnë në shumë vende, në shumë qytete, në shumë bashki. PD e vulës është ku thërret qameti, por nuk hezitoi që të emëronte 11 sekretarë, njërin më skandaloz se tjetrin.

Luli emëroi një parti që ka plot 11 sekretarë dhe ndoshta shumë më pak anëtarë. Një parti që nuk mundi dot të gjente 61 kandidatë për kryetar bashkie edhe pse pa anëtarë emëron 11 sekretarë.

Shënim/ Çorba e Lulit dhe qentë me lugën në brez
9 Shtator, 13:27

Kjo është në fakt mënyra më e padëgjuar ndonjëherë në politikë se si zgjidhet një kryetar partie pa pasur vota, formalisht, pa patur qendra votimi dhe zgjedhje në shumë bashki. Më pas mbledh një Kuvend me familjarë dhe miq dhe mbush një sallë me të njohur dhe inatçinj dhe më tej mbledh një Këshill Kombëtar dhe emëron 11 sekretarë.

Lulzim Basha

Ndërsa në bazë nga poshtë-lart nuk ka asnjë zgjedhje strukturash, as seksione, grup seksione kryesi degësh, kryetar degësh, të cilët do të sillnin ndërtimin e një force politike në formë piramide, e cila shkon nga poshtë lart.

Basha emëron sekretarët e tij pa garë
9 Shtator, 12:52

Në fakt, Lulzim Basha e ka ndërtuar partinë e tij nga lart poshtë. Mjafton të zgjidhet ai kryetar, të tjerët i vendos siç do vetë. Aty ku s’ka parti, s’ka problem emëron kë të mundet si të mundet, mjafton të jetë një prej atyre që i qëndron Lulit servil.

Lulzim Basha, Keshilli Kombetar

Megjitëhse kjo skemë duket qesharake, koha e saj do të jetë e shkurtër, pasi zgjedhjet do të afrojnë, sfidat elektorale do të nxjerrin rezultate dhe atje ata që shpresojnë se Luli mund të marrë ndonjë mandat deputeti do të kuptojnë se për shumë kohë kanë bërë një vrimë në ujë./CNA