Basha fshin deklaratën/ Ndryshon justifikim: S'kisha kohë të gjeja kandidat për Kukësin

8 Shtator 2023, 18:47, Politikë CNA

Basha fshin deklaratën/ Ndryshon justifikim: S'kisha kohë të

Lulzim Basha

Lulzim Basha nuk do të nxjerrë kandidat për Bashkinë e Kukësit në zgjedhjet e 24 shtatorit.

Këtë e bëri të ditur vetë PD-ja e Bashës, e cila nxori një deklaratë në rrjetet sociale, ku hidhte akuza ndaj demokratë.

PD-ja e Bashës justifikohej me pretekstin se “nuk do të bëhet ‘trau i dytë’ i humbjes, në dëm të demokratëve dhe qytetarëve kuksianë”.

Dështaku Basha, nuk siguron dot një kandidat për Kukësin
8 Shtator, 18:04

Por vetëm pak minuta pasi nxori qëndrimin e saj, PD-ja e Bashës fshiu deklaratën dhe nxori një tjetër justifikim për dështimin e gjetjes së një kandidati dinjitoz për Kukësin.

Versioni i dytë i i Bashës është koha e pamjaftueshme për të riorganizuar degën e partisë në Kukës.

“Partia Demokratike Dega Kukës, duke ndjekur me përgjegjësi të lartë politike dhe morale situatën e krijuar në Kukës, pas diskutimeve dhe konsultimeve me anëtarët dhe strukturat drejtuese të Partisë Demokratike Dega Kukës; duke vlerësuar se interesi i demokratëve dhe i të gjithë qytetarëve të Kukësit që duan ndryshim është rrëzimi i qeverisë, në kushtet e kohës së shkurtër dhe të pamjaftueshme për të riorganizuar degën e partisë pas pasojave tepër negative të frymës së konfliktit të ndezur padrejtësisht mes demokratëve, gjykojmë se tani është koha që së pari të fokusohemi te ringritja e degës së Partisë Demokratike, krijimi i alternativës që presin qytetarët e Kukësit dhe në betejën për rrëzimin e kësaj qeverive, që po i varfëron çdo ditë e më shumë shqiptarët.

Për këtë arsye, ne nuk do të propozojmë kandidat për zgjedhjet për Bashkinë e Kukësit.

Partia Demokratike Dega Kukës qëndron fuqimisht në mbrojtje të interesave të kuksianëve, në mbështetje të tyre. Kuksianët meritojnë një alternativë që do t’u shërbejë atyre dhe jo gara të paracaktuara nga oligarkët në kurriz të demokratëve”, thuhet në deklaratë.

Fakt mbetet që Basha nuk mundi të sigurojë një kandidat për zgjedhjet e 24 shtatorit në Kukës, ashtu siç nuk arriti të gjejë 61 kandidatë për zgjedhjet e 14 majit./ CNA