web counter
LEXO PA REKLAMA!

SHKARKO APP

App Store
Google Play

Pas betimit, reagon ministrja e re e Shëndetësisë/ Mesazhi për Ramën dhe Manastirliun

12 Shtator 2023, 17:57, Politikë CNA
Pas betimit, reagon ministrja e re e Shëndetësisë/ Mesazhi
Ministrja e re e Shëndetësisë, Albana Koçiu dhe presidenti Bajram Begaj

Pas betimit në Presidencë, ka ardhur një reagim nga ministrja e re e Shëndetësisë, Albana Koçiu.

Me anë të një statusi në rrjette sociale, Koçiu jep një mesazh falenderimi për kryeministrin Edi Rama, deputetët dhe vlerëson punënë e bërë nga paraardhësja e saj, Ogerta Manastirliu.

Ministrja deklaron se është e vetëdijshme për sfidat që e presin dhe përkushtimin që duhet të tregojë.

“Me mirënjohje dhe përgjegjësi të lartë, jam e nderuar të pranoj detyrën e Ministrit të Shëndetësisë dhe Mbrojtjes Sociale. Dua të shpreh falenderimet e mia më të sinqerta për Kryeministrin Edi Rama, Kuvendin e Republikës së Shqipërisë dhe për të gjithë ata që kanë besuar tek unë, për t'i shërbyer vendit në këtë detyrë kaq të rëndësishme.

Gjithashtu, dua të vlerësoj punën e jashtëzakonshme të koleges time, Ogertës dhe profesionistëve të përkushtuar që i kanë shërbyer kësaj ministrie përpara meje. Jam e vetëdijshme për sfidat që kemi përpara dhe përkushtimin që duhet të tregojmë, të gjithë bashkë, prandaj me mbështetjen tuaj kam besim se do të vazhdojmë me ndryshimet e mëdha në këtë sektor jetik për qytetarët.

Shëndetësia dhe mbrojtja sociale do të vijojnë të jenë kryefjala e kësaj qeverie e cila rrugën e transformimit e ka shtruar gjatë gjithë këtyre viteve. E gjitha kjo, me synimin e vetëm që t'i plotësojë çdo familje shqiptare, nevojat për këto shërbime thelbësore”, shkruan Albana Koçiu./ CNA

Pas betimit, reagon ministrja e re e Shëndetësisë/ Mesazhi





Lajmet e fundit nga