web counter
LEXO PA REKLAMA!

SHKARKO APP

App Store
Google Play

“Qeveria biznes me kallëzues të rremë”/ Meta ngre shqetësimin për SPAK

1 Nëntor 2023, 18:09, Aktualitet CNA

“Qeveria biznes me kallëzues të rremë”/ Meta ngre

Kryetari i Partisë së Lirisë, Ilir Meta ka ngritur shqetësimin lidhur me mungesën e një vëmendje nga SPAK për të marrë në shqyrtim dosjet e depozituara nga deputetë, funksionarë, drejtues të Partisë së Lirisë apo të opozitës në këtë institucion të drejtësisë.

Sipas tij nga ana tjetër vërehet që një nga bizneset më të mëdha të kësaj qeverie është ai i sponsorizimit të kallëzuesve të rremë.

Por për kreun e PL kjo nuk përbën shqetësim pasi asgjë nuk mund t’i shfokusojë në betejën kundër kapjes së shtetit.

“Shumë çështje që deputetë, funksionarë, drejtues të Partisë së Lirisë apo të opozitës i kanë depozituar në SPAK, të cilat cënojnë në mënyrë të drejtpërdrejtë interesin publik, të cilat dëshmojnë korrupsion të faktuar nuk preken, pavarësisht se për to kanë firmosur deputetë, kanë firmosur emra të njohur publikë.

Ndërkohë, ju e keni parë që një nga bizneset më të mëdha të kësaj qeverie është ai i sponsorizimit të kallëzuesve të rremë, njerëz me probleme, njerëz të dënuar nga gjykata, njerëz të dënuar edhe jashtë vendit jo vetëm këtu, të cilat ndiqen me prioritet dhe është e drejta e tyre t’i ndjekin.

Për ne ky nuk përbën asnjë lloj shqetësimi. Asgjë nuk na shfokuson në betejën tonë kundër kapjes së shtetit, kundër korrupsionit dhe gjithashtu kjo është një përpjekje që ne bëjmë që edhe Drejtësia të çlirohet sa më parë nga ky presion kaq i madh intimidues.”, shkruan Meta në rrjetet sociale./ CNA





Lajmet e fundit nga