web counter
LEXO PA REKLAMA!

SHKARKO APP

App Store
Google Play

E fundit!

x

“PS shpall gjendjen e jashtëzakonshme në vend”/ Bardhi: Komisioni i Ekonomisë mblidhet "online"

1 Nëntor 2023, 15:57, Aktualitet CNA
“PS shpall gjendjen e jashtëzakonshme në vend”/ Bardhi:
Gazment Bardhi

Kreu i Grupit Parlamentar të Partisë Demokratike, Gazment Bardhi, ka reaguar lidhur me vendimin e deputetëve të Partisë Socialiste për zhvillimin e mbledhjes "online" pas bllokimit që deputetët e opozitës u kanë bërë punimeve të Kuvendit sot.

Ai thotë se sipas rregullores një gjë e tillë mund të ndodhë vetëm në raste të masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore.

“Pas bllokimit që deputetët e opozitës u kanë bërë punimeve të Kuvendit sot, deputetët e PS kanë njoftuar shtyrjen e mbledhjes dhe zhvillimin e saj 'online'. Sipas nenit a/5 të Rregullores së Kuvendit vetëm në raste të masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore, mbledhjet e seancës plenare dhe organeve të Kuvendit mund të zhvillohen edhe në distancë nëpërmjet mjeteve të komunikimit elektronik. Nuk dihet nëse PS ka shpallur gjendjen e luftës apo të jashtëzakonshme, por kjo procedurë e mbledhjeve 'online' lejohet vetëm në ato raste.”, tha Bardhi./ CNA

Mbledhja e Komisionit për Ekonominë e Financat do të zhvillohet "online" në orën 16:00 në platformën "Zoom".





Lajmet e fundit nga