web counter
LEXO PA REKLAMA!

SHKARKO APP

App Store
Google Play

“Pas Evi Kokalarit fshihen shërbime sekrete”?/ Kujtim Gjuzi: Mund të bëhet deputete përmes një 84-vjeçari

3 Janar 2023, 14:56, Aktualitet CNA

“Pas Evi Kokalarit fshihen shërbime sekrete”?/ Kujtim Gjuzi:

Aktivistja Evi Kokalari, e njohur si Evi Angelakis, e cila në Shqipëri u njoh pas humbjes në zgjedhjet parlamentare të Partisë Demokratike, vijon të shfaqet si konservatore.

Ajo ka shkuar edhe më tej, me pretendimin për të hapur një parti konservatore.

“Pas Evi Kokalarit fshihen shërbime sekrete”?/ Kujtim Gjuzi:

Ndërkohë që në Shqipëri është një parti e tillë dhe jo pak, por që prej vitit 1999.

Partia Kombëtare Konservatore Albania ka për kryetar Kujtim Gjuzin.

“Pas Evi Kokalarit fshihen shërbime sekrete”?/ Kujtim Gjuzi:

Ky i fundit në një reagim për CNA.al ia ka vënë pikat mbi “i”, aktivistes Kokalari-Angelakis.

Gjuzi i ka tërhequr vëmendjen Kokalarit se nuk mund të hajë me dy lugë.

Sa nga Foltorja dhe sa nga konsevatorët. Sipas Gjuzit, Kokalari shfaq injorancë, derisa flet për hapjen e një partie konservatore, pasi nuk e njeh juridiksionin në Shqipëri.

“Ne, zonjës Kokalari i themi që më parë sesa të jetë te foltorja e mbështetjes së Partisë Demokratike, në drejtim të shikimit djathtas për t'u bërë konservatore, duhet si fillim të deklarojë një dorëheqje nga të gjitha angazhimet që ka pasur dy herë pranë kryeministrit Sali Berisha dhe dy herë presidentit Sali Berisha.

Nëse zonja Kokalari nuk e njeh juridiksionin shqiptar, në Shqipëri ka Partia Kombëtare Konservatore Albania me kryetar Kujtim Gjuzin, e cila ka qenë parti parlamentare dhe meqenëse zonja thotë se nuk ka Parti Konservatore, duket se ka pak injorancë dhe mungesë informacioni”, është shprehur Gjuzi.

Ky i fundit nuk i ka kursyer talljet dhe thumbat me Kokalarin. Ai sugjeron që të kalojë përmes një 84-vjeçari që është Armando Ruços, një prej themeluesve të Partisë Konservatore Shqiptare, nëse do të bëhet deputete në Shqipëri, pasi dështoi në SHBA dhe nuk u bë senatore në Departamentin apo Kongresin Amerikan.

“E dyta që është shumë e rëndësishme, normalisht që e kanë provuar edhe të tjerë kur është ndarë partia Lëvizja e Legalitetit nga Partia Kombëtare Konservatore Shqiptare dhe këtu jemi pikërisht. Duhet t'i marrë leje Armando Ruços që është nja 84 vjeç. Të shkojë t'ia kërkojë vulën zotit Armando Ruços se mbase ia jep ai dhe bëhet deputete në Shqipëri meqenëse nuk u bë senatore në Departamentin apo Kongresin Amerikan”, ka deklaruar më tej Gjuzi.

Kreu i Partisë Kombëtare Konservatore Albania ka hedhur dyshime, se pas Kokalarit fshihet ndonjë shërbim sekret grek, ndaj i ka dhënë një këshillë përvëluese.

“Dhe e treta, që është shumë e rëndësishme. Zonja Evi Agelakis duhet më parë të mos përdorë dy 'Facebook'-e, por të përdorë vetëm një për të kuptuar ne të tjerët nëse është shërbimi sekret grek mbrapa kësaj ideje apo është vetë Evi Angelakis me shërbime sekrete të tjera?", është shprehur ndër të tjera Kujtim Gjuzi.

Më tej Gjuzi e ka bërë të qartë se Partia Kombëtare Konservatore është në mbështetje të grupimit të thirrur nga doktor Sali Berisha, i cili ka bërë Kuvendin dhe është bërë kryetar i Partisë Demokratike dhe është në pritje të gjykimit në Gjykatën e Apelit për çështjen e vulave, që "mbajnë në xhep" disa individë.

Gjuzi e ka paralajmëruar Kokalarin se do të dërgojnë në gjykatë për dëmtim imazhi nëse ajo përdor emrin e partisë së tyre, pra nëse ajo përdor, Partia Konservatore Albania.

“Nëse ajo përdor Albania jo e Shqipërisë, do ta dërgojmë në gjykatë për dëmtim imazhi dhe për vjedhje të siglës në rrjetin social”, ka thënë Gjuzi.

Nuk është ndalur këtu Kujtim Gjuzi. Sipas tij Kokalari ka probleme dhe për këtë duhet të vizitohet. Gjuzi përveçse e këshilllon të shkojë te mjeku të kthejë edhe mbiemrin nga Envagelakis në Kokalari.

“Meqë është femër ne konservatorët sërish prapë do të jemi tolerantë dhe ajo do të mësojë sikurse me akademinë konservatore që dështoi në rastin e parë, kuptohet një femër kur kalon të 50-at normalisht ka probleme. Jo të gjitha femrat, se ka dhe femra që lindin në moshën 60, 65 dhe 70 nëse është një rast i veçantë, ne i bëjmë një ftesë që të kalojë te gjinekologu, ose te obstetër gjinekologu, ia bëjmë një ftesë publike këtë.

Ftoj zonjën Kokalari: Kthe mbiemrin grek nga Evangelakis në Kokalari.

Mund të kërkojë këshillim mjekësor tek obstetri. Gjinekologët konservatorë shqiptarë zonja Evangelakis të ketë më shumë kujdes sepse mosha bën të vetën te mbretëreshat", ka përfunduar reagimin Gjuzi./CNA.al





Lajmet e fundit nga