web counter
LEXO PA REKLAMA!

SHKARKO APP

App Store
Google Play

Kërkon të hapë parti konservatore/ Kujtim Gjuzi mesazh Evi Kokalarit, ngre dyshimet e forta

2 Janar 2023, 20:59, Politikë CNA
Kërkon të hapë parti konservatore/ Kujtim Gjuzi mesazh Evi
Kujtim Gjuzi dhe Evi Kokalari

Aktivistja Evi Kokalari ka paralajmëruar krijimin e një partie të re të quajtur Partia Konservatore Shqiptare, duke pretenduar se konservatorizmi nuk ka arritur të fusë rrënjët në Shqipëri.

Duke qenë se Partia Konservatore Shqiptare ekziston dhe është krijuar që në vitin 1999, CNA.al kontaktoi me zotin Kujtim Gjuzi, kryetar i Partisë Kombëtare Konservatore Albania, i cili paralajmëroi dhe bëri një thirrje për Evi Kokalarin.

Kërkon të hapë parti konservatore/ Kujtim Gjuzi mesazh Evi
Logoja e Partisë Konsevatore Shqiptare

Ai deklaroi se nëse Kokalari dëshiron të bëhet konservatore, fillimisht duhet të japë dorëheqjen nga angazhimet që ka pranë PD-së dhe kreut të saj Sali Berisha.

Gjuzi ngriti dyshimet nëse pas hapjes së partisë në Shqipëri fshihet Kokalari apo shërbimet sekrete greke.

Gjithashtu ai paralajmëroi aktivisten me padi nëse përdor emrin e Partisë Konsevatore Shqiptare dhe e ftoi atë të bëjë një vizitë te Obstetër - Gjinekologu, pasi theksoi se mund të ketë probleme të moshës.

Reagimi i plotë i zotit Kujtim Gjuzi për CNA.al:

Ne, zonjës Kokalari i themi që më parë sesa të jetë te foltorja e mbështetjes së Partisë Demokratike, në drejtim të shikimit djathtas për tu bërë konservatore, duhet si fillim të deklarojë një dorëheqje nga të gjitha angazhimet që ka patur dy herë pranë kryeministrit Sali Berisha dhe dy herë presidentit Sali Berisha.

Nëse zonja Kokalari nuk e njeh juridiksionin shqiptar, në Shqipëri ka Partia Kombëtare Konservatore Albania me kryetar Kujtim Gjuzin, e cila ka qenë parti parlamentare dhe me qenë se zonja thotë se nuk ka Parti Konservatore, duket se ka pak injorancë dhe mungesë informacioni. Kjo është e para.

E dyta që është shumë e rëndësishme, normalisht që e kanë provuar edhe të tjerë kur është ndarë partia Lëvizja e Legalitetit nga Partia Kombëtare Konservatore Shqiptare dhe këtu jemi pikërisht duhet t'i marrë leje Armando Ruccos që është nja 84 vjeç dhe të shkojë t'ja kërkojë vulën zotit Armando Ruccos se mbase ia jep ai dhe bëhet deputet në Shqipëri meqenëse nuk u bë senatorë në Departamentin apo Kongresin Amerikan.

Dhe e treta, që është shumë e rëndësishme. Zonja Evi Agelakis duhet më parë të mos përdorë dy Facebook-e, por të përdorë vetëm një për të kuptuar ne të tjerët nëse është "shërbimi sekret grek mbrapa kësaj ideje apo është vetë Evi Angelakis me shërbime sekrete të tjera?"

Kërkon të hapë parti konservatore/ Kujtim Gjuzi mesazh Evi
Anëtarët e Partisë Konsevatore Shqiptare

Partia Kombëtare Konservatore është në mbështetje të grupimit të thirrur nga doktor Sali Berisha, i cili ka bërë Kuvendin dhe është bërë kryetar i Partisë Demokratike dhe është në pritje të gjykimit në Gjykatën e Apelit për çështjen e vulave, që "mbajnë në xhep" disa individë të ndryshëm dhe aty janë 26 parti politike të opozitës, le të bëhet e 27-ta Evi Kokalari, por jo me Partinë Konservatore se pastaj ne do të dërgojmë në gjykatë.

Nëse ajo përdor Albania jo e Shqipërisë, do ta dërgojmë në gjykatë për dëmtim imazhi dhe për vjedhje të siglës në rrjetin social. Meqë është femër ne konservatorët sërish prapë do të jemi tolerantë dhe ajo do të mësojë sikurse me akademinë konservatore që dështoi në rastin e parë, kuptohet një femër kur kalon të 50-tat normalisht ka probleme. Jo të gjitha femrat, se ka dhe femra të lindin në moshën 60, 65 dhe 70 nëse është një rast i veçantë, ne i bëjmë një ftesë që të kalojë te gjinekologu, ose te obsetetër gjinekologu, ia bëjmë një ftesë publike këtë.

Ftoj zonjën Kokalari: A - Kthe mbiemrin grek nga Evangelakis në KOKALARI
B - Mund të kërkojë këshillim mjekësor te Obstetër - Gjinekologët konservatorë shqiptarë zonja Evangelakis të ketë më shumë kujdes sepse mosha bën të vetën te Mbretëreshat", theksoi ai./ B.A. - CNA.al





Lajmet e fundit nga