E fundit!

09:27 Kronika

E rëndë në Korçë, 66-vjeçari i jep fund jetës

Rreth orës 08:40, në lagjen nr. 10, Korçë, një automjet ti...

“Tradhtarët” e demokratëve/ Nga dhuna në selinë blu, përçarja dhe mbajtja peng e vulës

2 Janar 2023, 14:30, Politikë CNA

“Tradhtarët” e demokratëve/ Nga dhuna në selinë

Foto ilustruese

Lulzim Basha me dështimet e tij të njëpasnjëshme dhe humbjet në seri krijoi shumë zemërim dhe bëri që demokratët të ndiheshin çdo herë e më të braktisur dhe të përdorur nga ish-kryetari i tyre.

Basha e katandisi si mos më keq Partinë Demokratike duke e lënë në opozitë, duke prerë kështu çdo shpresë të demokratëve. Për vendimet dhe përfitimet e tij personale nga karrigia e kryetarit, Basha ishte gati të sakrifikonte Partinë Demokratike.

Kupa u derdh kur Basha mori vendimin për të përjashtuar nga Partia Demokratike, një prej themeluesëve të saj, liderin Sali Berisha, i cili iu përgjigj pakënaqësive dhe kërkesës së demokratëve për tu kthyer sërish në PD dhe për të udhëhequr edhe një herë atë.

Lulzim Basha

Vendimi personal i Bashës pa u konsultuar me bazën, me antëtarët e PD, apo Kryesinë, irritoi jo vetëm demokratët por edhe deputetët, të cilët nisën ta braktisnin gjithnjë e më shumë dhe i bashkoheshin foltoreve qytet më qytet të Sali Berishës.

Por pavarësisht se askush nuk e donte me Lulin, nuk e dëgjonte më askush, demokratët nuk e ndiqnin, në mbledhjet e tij, nisi të kishte kryengritje se po e përdorte partinë për interesat e tij personale, ai vijonte të qëndronte në karrigen e kryetarit, me 5 deputetë që i qëndrojnë besnikë edhe sot, Enkelejd Alibeaj, Gazment Bardhi, Jorida Tabaku e të tjerë.

Foto i ilustruese

Berisha rithemeloi PD, me realizimin e Kuvendit 11 Dhjetorit ku Basha dhe të tijtë u shfuqizuan nga detyrat e tyre. Kryesia dhe anëtarët e PD votuan dhe zgjodhën drejtuesit e rinj.

Por ky Kuvend nuk u pranua nga Basha, i cili kulmoi gjithçka me dhunën në 8 Janar ku përdori çdo mjet të mundshëm kundër demokratëve. Një prej të paktëve që qëndronte krah tij, deputeti i skandalit erotik, Ervin Salinaji ishte përgatitur të priste demokratët me shkop bejsbolli, me justifikimin absurd se po mbronte selinë e PD nga vetë demokratët.

Basha e ktheu PD në një bunkier, të rrethuar me tonelata hekur, të blinduar anekënd vetëm për të mos lënë demokratët të hyjnë në seli.

Foto ilustruese

Berisha dhe mbështetësit e tij hynë në selinë blu, ku gjithçka ishte shkatërruar nga Basha, i cili nga frika se mos dikush i rrëmbente karrigen, kishte ndërruar dhe bravat e dyerve, kështu që nga ai moment Berisha e quajti atë “Lul Brava”.

Basha po zhytej në humnerë. Zgjedhjet vendore të 6 Marsit ishin vula e gjithçkaje që treguan se askush më nuk e përkrahte pasi u rendit i fundit pothuajse në të gjitha bashkitë ku zhvilloheshin zgjedhjet. Pasi Gjykata e Tiranës regjistroi Kuvendin e 11 Dhjetorit 2021 dhe statutin e ri të PD të dalë nga ai Kuvend, i komanduari i Bashës, Enkelejd Alibeaj ankimoi vendimin.

Pas bëmave Grupi i Bashës nuk shkel më në selinë blu, pasi etiketohen si tradhtarët që dhunuan demokratët dhe shtëpinë e demokratëve dhe që fliten për marrëveshjet e fshehta me Ramën.

Me afrimin e zgjedhjeve lokale që priten të zhvillohen në datën 14 Maj, grupi i Berishës dhe grupi i përçarësve vendosën të negocionin për të dalë në zgjedhje me një kandidat por sërish dështuan për shkak të misionarëve përçarës të Lulit.

“Tradhtarët” e demokratëve/ Nga dhuna në selinë

Por pavarësisht kësaj, PD zyrtare e Berishës, nxorri kandidatët e saj për bashkitë duke zhvilluar “Primaret” një risi në PD, ku votoi anëtarësia dhe simpatizantët. Gara ishte e fortë sidomos në Tiranë, ku Belind Këlliçi u shpall fitues dhe u shpall kandidati i PD-së për bashkinë e Tiranës, ku do të përballet me 14 Maj me kryetarin aktual Erion Veliaj./ CNA.al