E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

"Po arrestohen ata që Bashkia e Tiranës i promovon"/ Belind Këlliçi krah studentëve ekselentë: Injoranca vegjeton zyrave, s'duhet lejuar

29 Dhjetor 2022, 20:10, Politikë CNA

"Po arrestohen ata që Bashkia e Tiranës i promovon"/ Belind

Deputeti i Partisë Demokratike Belind Këlliçi, ka zhvilluar sot një takim me studentët ekselentë brenda dhe jashtë vendit. Këta të fundit ishin pjesë e takimit përmes lidhjeve online.

Duke evidentuar disa nga problematikat e të rinjve, Këlliçi shprehet se mënyra më e mirë për të rikthyer trurin në atdhe është të çlirojmë shtetin nga injoranca që vegjeton zyrave, nga paaftësia profesionale dhe kontigjenti i krimit me të drejtë firme që shpërblehen sepse vjedhin për kryetarin.

Më tej Këlliçi thotë se “Shqipëria duhet të shkëputet përfundimisht nga ky model i tmerrshëm që shkatërron ëndrrat dhe ambiciet e të rinjve të saj!”

Statusi i plotë:

Falenderoj Andi Mustafaj dhe Elior Vila nga Departamenti Brain Gain pranë PD për organizimin e këtij takimi me të rinj e të reja ekselentë brenda dhe jashtë vendit! Faleminderit Besart Xhaferri dhe FRPD që shihni tek ekselentët të ardhmen e shtetit shqiptar!

E vetmja mënyrë për të rikthyer trurin në atdhe është të çlirojmë shtetin nga injoranca që vegjeton zyrave, nga paaftësia profesionale dhe kontigjenti i krimit me të drejtë firme që shpërblehen sepse vjedhin për kryetarin.

Veçanërisht në dy vitet e fundit, i kemi parë sesi arrestohen njëri pas tjetrit të promovuarit me poste të larta drejtuese në Bashkinë Tiranë dhe në institucione të tjera. Shqipëria duhet të shkëputet përfundimisht nga ky model i tmerrshëm që shkatërron ëndrrat dhe ambiciet e të rinjve të saj!

Puna në administratën publike dhe shërbimi ndaj qytetarëve është privilegj që nuk mund ta gëzojë kontigjenti i krimit. Ekselentët e vërtetë nuk pranojnë kurrë të jenë vartës të këtij kontigjenti, prandaj largohen nga Shqipëria.

Ne si shoqëri duhet të bëjmë përfundimisht një zgjedhje! Me ekselentët apo me llumin, me vlerat apo antivlerat./CNA.al