web counter
LEXO PA REKLAMA!

SHKARKO APP

App Store
Google Play

E fundit!

x

Mediu, takim me kongresmenët amerikanë/ Problemet që vënë në rrezik Ballkanin

4 Shkurt 2023, 21:55, Aktualitet CNA
Mediu, takim me kongresmenët amerikanë/ Problemet që
Fatmir Mediu, kreu i PR

Shmangia e një konflikti të mundshëm në Ballkan, si dhe kundërbalancimi i agresionit Rus dhe ndërhyrjes së Kinës” ishte tema që u diskutua në forumin e sigurisë në Kongresin Amerikan.

Ky forum u organizua nga kreu i Partisë Republikane, Fatmir Mediu në bashkëpunim me Kongresmenët Pete Sessions dhe Robert Aderholt.

Në këtë takim morën pjesë disa përfaqësues të Kongresit Sessions, Aderholt, Lutrell,
Ëilson, Ëamp, Moolinar, Mann e shumë të tjerë.

Gjithashtu pjesë e takimit ishin deputetë dhe ministra nga Ukraina, Lituania, Polonia, Rumania, Bullgaria, Kosova, Bosnja dhe Hercegovina, Kroacia, Shqipëria, Mali i Zi, Maqedonia e Veriut, Serbia. Britania dhe Austria.

Përfaqësues kishte edhe nga Autoritete nga Departamenti i Mbrojtjes dhe Këshilli i Sigurisë Kombëtare.

Në takim Mediu theksoi problemet dhe tensionet e vazhdueshme në Ballkan, mundësinë e një konflikti të mundshëm të sponsorizuar nga Rusia për të tërhequr vëmendjen nga konflikti në Ukrainë, nëpërmjet disa fakteve evidente siç janë:

-Shpenzimet luftarake pa kufi të Serbisë në bashkëpunim me Rusinë dhe Kinën.

-Situata në Bosnjë, dhe veçanërisht kërkesa e Republika Sërbska për shkëputje nga Federata e BiH.

-Tensionet e qëllimshme në Veri të Kosovës me shenja të agresionit ushtarak të Serbisë dhe bllokimi i dialogut.

-Tensionet fetare dhe politike në Malin e Zi.

-Prezenca e fuqishme ekonomike e Kinës në sektorë kritikë që lidhen me sigurinë kombëtare dhe teknologjinë.

Mediu nënvizoi se Ballkani rrezikohet dhe nga zhvillimet e brendshme si

-Rritja e autoritarizmit, krimi i organizuar dhe korrupsioni, rritja e varfërisë dhe largimi masiv i të rinjve dhe të rejave, duke krijuar një problem të rëndë sa politik edhe social.

Kongresmenët shprehën mbështetjen e tyre për të ndihmuar Ukrainën dhe mposhtur regjimin e Putinit, ashtu siç shprehën shqetësimim e tyre për ndërhyrjet e Kinës në rajon dhe më gjerë nëpërmjet Iniciativës 17+1 dhe “Road and Belt”.

Pothuaj në çdo vend tashmë Kina është kthyer në kërcënim për lirinë dhe të drejtat e shtetasve tanë.

Në këtë takim u ra dakort që të punohej për një legjislacion konkret që të bëjë një vlerësim të investimeve të huaja që cënojnë sigurinë kombëtare.

Ndërtimin e një strukture të koordinuar për vlerësimin e çështjeve të sigurisë./ CNA.al





Lajmet e fundit nga