LEXO PA REKLAMA!

SHKARKO APP

“Më sill 50 mijë euro”/ Të rinjtë mashtrues shtiren si Vilma Nushi, fusin në grackë drejtoreshën e saj

24 Nëntor 2023, 11:37, Aktualitet CNA

“Më sill 50 mijë euro”/ Të rinjtë mashtrues

2 persona tentuan të mashtronin një biznesmene duke iu prezantuar asaj si përfaqësues të një personi publik, për të përfituar shumën 50 mijë euro.

Bëhet fjalë për shtetasit me iniciale A. Gj., 19 vjeç, R. B., 25 vjeç. Mediat raportojnë se personi që tentuan të mashtrojnë të rinjtë është drejtoreshë e Vilma Nushit, përfitueses së koncesionit të “check up”-it.

Duke u shtrirur si Vilma Nushi, ata i kanë dërguar një mesazh drejtoreshës që të dërgonte në një hotel të njohur shumën prej 50 mijë eurosh.

Pas disa minutash, të rinjtë i kanë dërguar asaj një tjetër mesazh në emër të Vilma Nushit, ku i thoshin asaj se paratë do t’i merrte dikush tjetër.

Drejtoresha, e cila ka rënë në grackë, ka telefonuar Vilma Nushin pasi kishte dërguar paratë dhe i ka thënë se e kishte përfunduar porosinë.

Sapo u vu në dijeni, kjo e fundit ka bërë një denoncim në polici.

Blutë sot bënë të mundur arrestimin e të rinjve dhe shpallën në kërkim 25-vjeçarin me iniciale F. L. Gjatë aksionit janë sekuestruar 8250 euro, 25 000 lekë, 1 automjet dhe 1 aparat celular./ CNA

Lajmet e fundit nga