LEXO PA REKLAMA!

SHKARKO APP

Kalon për gjykim dosja ndaj Rudina Degjonit/ Drejtoresha e spitalit të Fierit akuzohet për ‘shpërdorim detyre’

18 Shtator 2023, 12:23, Aktualitet CNA

Kalon për gjykim dosja ndaj Rudina Degjonit/ Drejtoresha e spitalit të

Këtë të hënë, Prokuroria e Fierit ka dërguar për gjykim Drejtoreshën e Përgjithshme pranë Spitalit Memorial Fier, Rudina Degjoni.

Degjoni akuzohet për shpërdorim detyre.

Nga hetimet është provuar se ajo ka lejuar kryerjen e paligjshme të procedurës së botoksit të stomakut te pacientët në këtë spital publik.

Drejtoresha e spitalit të Fierit ka zhvilluar procedura mjekësore me preparate mjekësore të botoksit të stomakut që nuk janë blerë nga vetë spitali, por janë gjetur në rrugë jashtëspitalore për të cilat pacientët kanë bërë pagesat e tyre.

"Duke qenë se procedurat bëheshin ilegalisht në këtë spital mungon dokumentacioni përkatës lidhur me verifikimin e datës së skadencës dhe vendit të origjinës së preparateve", njofton prokuroria.

Procedura është kryer jashtë çdo lloj standardi ligjor dhe teknik te pacientët dhe ka mbartur rrezik serioz per jetën dhe shëndetin e tyre, si dhe duke dëmtuar interesat dhe imazhin e një një institucioni shëndetësor publik./ CNA

Lajmet e fundit nga