Budallai i radhës dhe Kisha Ortodokse

18 Shtator 2023, 11:52, Aktualitet CNA

Kisha Ortodokse Autoqefale e Shqiptare

Ka shumë individë që kërkojnë vëmendjen. Duan të jenë pjesë e tregut mediatik dhe për shkak të injorancës, mosdijes dhe budallallëkut, ku nuk përfundojnë vetëm për të pasur audiencë.

Diku punojnë roje parkingu, diku pastrojnë kazanë. Nuk është turp, është punë, por nuk kanë pse merren me punë që nuk dinë t’i bëjnë.

Të shpikur gjoja si analistë, në shërbim të trafikantëve të drogës, të shpikur gjoja si mendimtarë me kokat bosh. Jemi përballë rastit ku një i çmendur hedh një gur në lumë dhe 100 të mençur nuk e nxjerrin dot.

Dje qarkulloi në media një reagim i Syçit. Kështu quhet Ilir Demaliaj, që del nga Amerika te garazhi ku punon roje dhe jep mendim për të ardhmen e mëmëdheut. Reagoi dhe shumë portale e publikuan.

Budallai i radhës dhe Kisha Ortodokse

Një shkrim kundër Kryepeshkopit të Kishës Ortodokse Autoqefale, Hirësisë së tij, Anastas Janullatos, ku gomerëve mediatikë iu hodh tagjia e radhës.

Pasi lajmi doli se reagoi një i çmendur që turpësisht ende gjen hapësirë nëpër portale, i dalë si produkt nga ekrani i një trafikanti droge, që e përdorte për ta mbrojtur kur kishte hall me drejtësinë, portalet u mbushën plot.

Mjaftonte të bëje një verifikim çfarë kishte thënë ky individ dhe si qëndronte e vërteta.

Mjaftonte të hapje faqen e Kishës Ortodokse në rrjetet sociale dhe të dëgjonte fjalën e Kryepeshkopit në Kishë, i cili nuk bënte asgjë tjetër thjesht kërkonte që besimtarët ortodoksë të shkonin dhe të regjistroheshin dhe të deklaroheshin si të tillë, pra të deklaronin besimin e tyre në Censin që po ndodh në Shqipëri.

Të njëjtin reagim ka bërë edhe Kisha Katolike. Të njëjtin mund ta bëjë dhe Komuniteti Mysliman thjesht dhe vetëm ka një sqarim: Censi ka një pyetje, besimin dhe a je praktikant ose jo.

Në asnjë fjalë të kryepeshkopit të Kishës Ortodokse nuk dëgjohet të thotë që deklaroni se jeni grekë.

A ishte imzot Noli grek? A ishte Preto Nini Luarasi grek? A ishin patriotët e rilindjes që bënë shqipen që flet Syçi me gojë të prishur grek? JO. Ishin të krishterë ortodoksë, ashtu siç ka të krishterë katolikë apo siç ka dhe të besimeve të tjera.

Kryepeshkopi bëri një thirrje të deklaronin besimin e tyre pasi Censi do të nxjerrë në fund një përpunim të dhënash, një raport dhe mund të jetë një shifër e përafërt në lidhje me sa është numri i përgjithshëm i besimtarëve ortodoksë në Shqipëri.

Ku qëndron e keqja këtu në thirrjen që ka bërë Kryepeshkopi ortodoks dhe më pas edhe Kisha Katolike?

Duke manipuluar, duke mashtruar dhe duke gënjyer me qëllim, me dashakeqësi, për të marrë vëmendje, se kishte thënë që duhet të deklarojnë që janë grekë.

Kjo nuk e vërtetë. Nuk ka një deklarim të tillë. Ka një thirrje normale për të deklaruar besimin fetar.

Të jesh ortodoks nuk është e thënë të jesh grek. Por dhe të jesh ortodoks dhe të jesh grek nuk është krim. Është besim, janë përfaqësuesit e një vendi ku jetojnë qindra mijëra shqiptarë. Të sulmosh një klerik, kreun e Kishës, një njeri intelektual, i cili për 30 vite e ka rindërtuar kishën e Shqipërisë dhe respektohet dhe mbështetet jo vetëm nga komuniteti ortodoks, por nga të gjitha komunitetet e vendit.

Thjesht dhe vetëm për të marrë vëmendje publike është një shërbim që i bëhet banditizmit mediatik. Horra të tillë nuk duhet të gjejnë hapësirë në media, jo se shkruajnë kundër kryepeshkopit, se kanë dalë në mbrojtje të trafikantëve të drogës, nuk kanë cipë, nuk kanë fytyrë. Janë surretër, të neveritshëm, të pështirë që në fakt meritojnë vetëm neveri si shumë e shumë të tjerë.

Por e vërteta është se ky mashtrues publik, ky sharlatan mediatik, gënjeu hapur dhe fakti është në këtë video. Dëgjojeni videon e kishës për të kuptuar mesazhin e përcjellë nga kryepeshkopi.

Në shkrim keni dhe reagimin e Kishës Katolike për të mos i dhënë zë budallait, për të mos i dhënë zë të marrit, për të mos i dhënë zë injorantit, nuk po e publikojmë reagimin e tij, por ai ka theksuar se të kërkosh të regjistrohesh si ortodoks, kërkonte regjistrohesh si grek dhe këtë na e thotë Syçi nga Amerika në garazhin e tij ku punon si roje parkingu apo hedh koshat me plehra të amerikanëve që hedhin mbeturina atje ku ai shërben.

Kjo është e vërteta e një të marri që hodhi një gur në lumë dhe 100 të mençur nuk e nxjerrin dot më.

Por të marrë të tillë thjesht dhe vetëm tregojnë se si nuk duhet të jenë njerëzit kur flasin në media.

Për ta mbyllur me një qëndrim të kreut të Kishës Ortodokse Autoqefale të Shqipërisë, hirësia e Tij, Anastas Janullatos, që vlen shumë si përgjigje ndaj kujtdo që ngre akuza e qëllon me pushkë ndaj Kishës.

-Shkoj në Greqi, më thonë je bërë shqiptar e hedhin gur kundër meje. Vij në Shqipëri më thonë je grek e sërish hedhin gur kundër meje. Unë kam vendosur të mbledh këta gurë dhe të ndërtoj Kisha, Hirësia e Tij, +Anastas Janullatos./ CNA