LEXO PA REKLAMA!

SHKARKO APP

Ish e dashura e McGonigal zbulon të pathënat/ Charles ishte materialist, pëlqente jetën luksoze

5 Shkurt 2023, 22:03, Aktualitet CNA
Ish e dashura e McGonigal zbulon të pathënat/ Charles ishte
Allison Guerriero, ish e dashura e Charles McGonigal

Allison Guerriero, ish e dashura e Charles McGonigal, tha mbrëmjen e sotme se ish-zyrtari i FBI-së ishte materialist.

Ajo tregoi në një intervistë me Jonida Shehun se McGonigal pëlqente verërat e shtrenjta, lokalet e shtrenjta dhe jetën luksoze të New York-ut.

“Ishte më shumë materialist sesa unë. Ai pëlqente restorantet e shtrenjta, ndërsa unë preferoja të shkoja në një fast-food të zakonshëm. McGonigal pëlqente verërat e shtrenjta, rrobat e shtrenjta dhe më dukej sikur i pëlqente jeta e New York-ut. I pëlqente të ishte afër pushtetit dhe parasë më shumë se sa mund të ishte edhe shija ime. Përpiqej të linte përshtypje tek njerëzit nga ana material”, u shpreh Guerriero.

E pyetur nëse McGonigal bënte një stil jetese që përputhej me të ardhurat e tij, ish e dashura e ish-zyrtarit të FBI-së tha se nuk e di sa shpenzonte.

“Nuk e di, sepse nuk shpenzonte shumë për mua, thjesht shkonim në restorante të shtrenjta. Nuk jam një person materialist dhe nuk i kam kërkuar asnjëherë të më blinte gjëra. Gjithmonë shkonte në vende të shtrenjta por më thoshte që ishte për punë. Tani që shoh akuzat, edhe unë pyes veten se nga i kishte marrë ato para?”, theksoi ajo./ B.A. – CNA.al

Lajmet e fundit nga