LEXO PA REKLAMA!

SHKARKO APP

E fundit!

x

Ish e dashura e McGonigal “nxjerr zbuluar” Ramën/ Flisnin shpesh në telefon, fotot e tyre i ka dhe FBI

5 Shkurt 2023, 21:23, Aktualitet CNA

Ish e dashura e McGonigal “nxjerr zbuluar” Ramën/ Flisnin

Të tjera detaje ka nxjerrë në dritë mbrëmjen e sotme Allison Guerriero, ish e dashura e ish-zyrtarit të FBI-së, Charles Mcgonigal, që denoncoi këtë të fundit dhe nxori në pah skandalin e tij.

Në një intervistë me Jonida Shehun, Guerriero tha se miqësia e Mcgonigal me Ramën i dukej e pazakontë.

Ajo deklaroi se të dy janë takuar bashkë në New York dhe ish-zyrtari i FBI-së i kishte dërguar foto me kreun e qeverisë shqiptare.

Sipas saj, McGonigal i ka dërguar foto dhe kur ishte Shqipëri në vitin 2017 dhe këto foto tashmë i disponon edhe FBI.

“Charlie më thoshte që ishte mik me Kryeministrin Rama dhe mu duk e pazakontë që një agjentë i këtij niveli të lartë të FBI të ketë një miqësi të tillë. Ata shpesh flisnin në telefon me Viasat dhe më tregonte foto që kishin qenë bashkë. Më dukej një miqësi e pazakontë. Kur Rama ishte në New York, Charlie më tha që ata kishin ngrënë darkë bashkë në një restorant të shtrenjtë dhe për mua kjo ishe një gjë që një agjent i FBI nuk duhet ta bënte.

Në Shqipëri janë takuar, dhe Charlie më ka çuar një tekst në shtator të 2017-ës kur ishte atje. Më tha që do të udhëtonte në Shqipëri dhe në Kosovë.

Në fakt, ai thjesht më ka treguar disa foto peizazhi të Shqipërisë. Ishte thjeshtë duke më thënë që ishte i zënë me punë dhe më dërgoi foto me kryeministrin Rama që tashmë e ka FBI", theksoi ajo./ B.A. - CNA.al

Lajmet e fundit nga