web counter
LEXO PA REKLAMA!

SHKARKO APP

App Store
Google Play

AKU bllokon 20 kg produkte ushqimore të skaduara

6 Nëntor 2023, 16:39, Aktualitet CNA

AKU bllokon 20 kg produkte ushqimore të skaduara

Autoriteti Kombëtar i Ushqimit ka bllokuar 20 kilogramë produkte ushqimore të cilave iu kishte kaluar afati i përdorimit.

Gjithashtu ndaj këtyre subjekteve u vendos masë administrative.  

"Autoriteti Kombëtar i Ushqimit duke iu referuar një denoncimi, ka reaguar menjëherë nëpërmjet strukturave të Drejtorisë Rajonale Tiranë, duke kryer inspektim në subjektin “N”, me aktivitet “Tregtim të produkteve ushqimore”.

Nga kontrolli i ushtruar në ambientet e këtij subjekti ka rezultuar se aktiviteti ushtrohej në kushte të përshtatshme higjieno-sanitare dhe produktet ushqimore ruheshin sipas natyrës së tyre në kushte frigoriferike dhe rafte.

Nga verifikimi i produkteve ushqimore u konstatuan 20 kg produkte ushqimore me afat të kaluar përdorimi të llojit, sallamra, biskota, cornflakes, ëmbëlsira, brumëra, fruta të ngrira, gjalpë, kos dhe 8 litra produkte qumësht, vaj ulliri dhe majonezë të markave të ndryshme.

Gjithashtu subjekti nuk dispononte një sistem efikas gjurmueshmërie të produkteve ushqimore dhe nuk implementon planin e vetëkontrollit HACCP.

 Nga trupa inspektuese u krye bllokimi i menjëhershëm i kësaj sasie në subjekt me detyrim asgjësimin e tyre sipas legjislacionit në fuqi, si dhe u mor masa administrative  me gjobë në vlerën e 500’000 lekëve.

Autoriteti Kombëtar i Ushqimit me qëllim garantimin e sigurisë ushqimore, i bën thirrje OBU-ve të jenë të kujdesshëm në verifikimin e datave të skadencave të produkteve ushqimore, si një masë shumë e rëndësishme për sigurinë ushqimore të konsumatorëve, gjithashtu inkurajon konsumatorët të denoncojnë çdo rast apo tentativë abuzimi pranë Autoritetit Kombëtar të Ushqimit në numrin e gjelbër 08007575 dhe [email protected].  Siguria ushqimore, është një sfidë e përbashkët", njofton AKU./ CNA





Lajmet e fundit nga