E fundit!

10:46 Aktualitet

Skenarët e Erion Veliajt në protestën për Zvërnecin

Një protestë që parullën ka “Zvërnec”, por po t’i heqësh e...

Aida Hajnaj i bashkohet enveristit të fundit kundër SPAK-ut

29 Maj 2024, 12:33, Aktualitet CNA

CNA ka raportuar prej disa muajsh luftën e Rilindjes për të kontrolluar SPAK-un, në front të së cilës është vendosur Fatmir Xhafaj.

CNA ka denoncuar lëvizjet e hedhura hap pas hapi deri tek ato më të fundit që është tentativë për të ngritur një komision anti-SPAK.

Xhafaj, i cili e mban veten si “babai” i Reformës në Drejtësi, po bën lëvizje të njëpasnjëshme për të arritur qëllimet e tij dhe një ndër to është edhe kapja e drejtuesve të institucioneve.

Pse Fatmir Xhafaj kërkoi reformë mbi Reformën në Drejtësi
10 Maj, 11:39
Fatmir Xhafaj, babai i reformës apo mamaja që nuk dinte se çfarë po mbillte
27 Janar, 10:05

Në rrethin e Fatmir Xhafajt është bashkuar edhe drejtuesja e BKH-së, Aida Hajnaj.

CNA ka mundur të sigurojë informacione se Fatmir Xhafaj ka zhvilluar disa takime me Aida Hajnajn dhe me njerëz pranë drejtueses së BKH-së.

Aida Hajnaj i bashkohet enveristit të fundit kundër SPAK-ut

Drejtuesja e BKH-së, Aida Hajnaj

Takimet janë zhvilluar te Liqeni i Thatë në kryeqytet, në një hotel të një të afërmi të Xhafajt, të cilin ky i fundit e përdor si vend takimesh për të dhënë direktivat dhe orientimet.

Takimi i Hajnajt me Xhafajn është një aktivitet që mund të shkojë drejt paligjshmërisë.

Se përse duhet të takohet kryetarja e BKH-së dhe njerëzit afër saj me një deputet, i cili po kërkon të luftojë SPAK-un kjo është lehtësisht e kuptueshme.

SPAK

Në SPAK është një grusht prokurorësh të ndershëm që po luftojnë korrupsionin dhe Xhafaj ka shpallur luftën duke dashur t’i trajtojë si Aida Hajnajn, t’i thërrasë për kafe, t’u japë udhëzime, orientime, t’u tregojë se çfarë të bëjnë, si mund të luftojnë filan prokuror, si të veprojnë në një çështje apo në një tjetër, si mund të ndërhyhet, çfarë nderesh mund të bëjnë.

Pra, ai do t’i përdorë prokurorët për të mbledhur apo për të keqpërdorur informacion dhe Fatmir Xhafaj është një mjeshtër i kësaj pune.

Enver Hoxha dhe Fatmir Xhafaj

Me këto lëvizje ai kërkon të vërë nën kontroll Altin Dumanin, apo edhe prokurorët e posaçëm të dosjeve të mëdha, siç janë ato të inceneratorëve dhe të “5D”-së.

Duhet theksuar se drejtuesja e BKH-së ka qenë nëndrejtoreshë e Policisë së Shtetit. Ajo njihet si mbështetëse e Fatmir Xhafajt dhe ky i fundit e mban atë si vartëse.

Drejtuesja e BKH-së, Aida Hajnaj

Pra, janë disa takime të disahershme të Aida Hajnajt me Fatmir Xhafajn. Në fakt, ka një sekt brenda BKH-së që kërkon të luftojë prokurorët e pakorruptuar të SPAK-ut.

Të gjitha këto lëvizje zhvillohen ndërkohë që Parlamenti po bën gati një komision anti-SPAK. Fatmir Xhafaj është hedhur në sulm për të marrë drejtimin dhe po kërkon të bëjë një reformë të dytë në drejtësi për të kapur atë pjesë të drejtësisë dhe sistemit që nuk ka mundur dot ta ketë nën kontroll për t’i shërbyer siç i shërben Aida Hajnaj dhe njerëzit pranë saj./ CNA