web counter
LEXO PA REKLAMA!

SHKARKO APP

App Store
Google Play

Çelet sezoni turistik/ Karnavalet e Korçës, festime madhështore më 8 qershor

29 Maj 2024, 10:27, Aktualitet CNA
Çelet sezoni turistik/ Karnavalet e Korçës, festime
Foto ilustruese

Karnavalet e Korçës po afrojnë. Në 8 qershor, në Korçë do të organizohet festa e kthyer tashmë në traditë të qytetit dhe që simbolizon çeljen e sezonit turistik.

Qyteti juglindor, një nga destinacion më të preferuara të vendasve dhe të të huajve, nuk është vetëm tërheqës në stinën e dimrit, por edhe në verë.

Me Karnavalet, Korça do të çelë edhe sezonin, që pritet të jetë me një numër të konsiderueshëm vizitorësh. Një festë madhështore me paradë dhe ballo shumëngjyrëshe maskash veneciane do të zbukurojnë rrugët e qytetit të serenatave.

Kryebashkiaku Sotiraq Filo përmes një postimi në rrjetet sociale, fton të gjithë të bëhen pjesë e paradës dhe festimeve në 8 qershor.

“Zgjidh maskën tënde - MOS E HUMB KORÇËN”, shkruan Filo.

Ky do të jetë edicioni i 17-të i Karnavaleve të Korçë. Qyteti premton atmosferë të mrekullueshme kudo në sheshe e rrugica. Parada e maskave do të bëjë bashkë grupe nga i gjithë vendi, por edhe nga Ballkani, sikurse ka ndodhur vitet paraardhëse.
Korça do të kthehet në kryeqendrën e festimeve, ndaj fundjava e 8 qershorit, sugjerohet të kalohet në këtë qytet./CNA 





Lajmet e fundit nga