E fundit!

18:44 Aktualitet

Mblidhet të enjten Konferenca e Kryetarëve/ Ja çfarë pritet të vendoset në seancë

Konferenca e Kryetarëve do të zhvillojë të enjten mbledhje...

Rezoluta anti-SPAK/ Topalli: Seanca më e rremë që kam parë në 3 dekada

28 Maj 2024, 21:40, Aktualitet CNA

Rezoluta anti-SPAK/ Topalli: Seanca më e rremë që kam parë

Ish-kryeparlamentarja Jozefina Topalli, në tubimin para banesës së ish-kryeministrit Sali Berisha ka folur për seancën parlamentare të një dite më parë, ku u miratua rezoluta anti-SPAK.

Topalli është shprehur se ajo ka qenë seanca më e rremë që ka parë në 3 dekada, pasi çdo fjalë që dëgjonte për luftën kundër korrupsionit, i kujtohej 5D, ministrja dhe bashkëshorti i saj si investitor strategjik dhe korrupsionin që është bërë gjatë këtij 10 vjeçari qeverisje të PS.

"Do të luftojmë luftën kundër korrupsionit, dëgjova dje gjithë ditën një refren. Seanca më e rremë që kam parë në të gjithë historinë e parlamentit në 3 dekada. Sa herë flitnin që do luftonin kundër korrupsionit me vinin ndër mend: Ministrja me burrin strategjik. Më kujtoheshin spitali dhe urgjenca që nuk punojnë prej korrupsionit.

Më vinte ndërmend regjimi i 5D, më i neveritshmi, skema më e pabesueshme që mund të adaptohej në Shqipëri.

Më kalonin përpara korruptimi i McGonigal. Më dilte përpara ish-kryetari i partisë i korruptuar.

Më dilte përpara gjenerali Lisi i korruptuar me 23 mijë metra katrorë në bregdet.

Më dilnin përpara ligjet e porositura. Më dilte përpara fshati turistik përpara së të hiqnin ligjin për zonat e mbrojtura.

Më dilnin përpara të gjithë tenderat me të kuqe. Më dilte përpara një skemë e inceneratorëve, skena më e paimagjinueshme që ka grirë çdo qindarkë në xhepat e pensionistëve, punonjësve, njerëzve të ndershëm.

Ata flisnin për rezolutën kundër korrupsionit si gjëja me e rremë, më e pavërtetë, por me një hile të madhe përpara, se pasi kanë futur në arrest liderin e opozitës, ata duan të shpetojnë shokët e luftës së tyre nga dënimet për shkak të korrupsionit të pabesueshëm që ata bëjnë.

Ata i kanë bërë vrasësit me porosi, investitorë strategjik. Duan të na lenë ne pa kryetarin e opozitës në vitin elektoral, pas 13 vitesh që janë në pushtet’, tha Jozefina Topalli./ CNA