“Kokat” e krimit, në arrati/ Kush e dekonspiroi operacionin?

20 Maj 2022, 07:46, Politikë CNA

“Kokat” e krimit, në arrati/ Kush e dekonspiroi operacionin?

Ditën e djeshme, që në orët e para të mëngjesit, ?kryefjalë? e mediave ishte operacioni i bujshëm i SPAK-ut, kundër bandave kriminale, i cili duket se vjen pasi Nuredin Dumani ka pranuar bashkëpunimin me drejtësinë.

Në media u përfol për një megaoperacion, për dhjetëra të arrestuar dhe të shpallur në kërkim.

Më pas në konferencë për shtyp dolën vetë kreu i SPAK-ut, Arben Kraja, dhe Drejtori i Përgjithshëm i Policisë së Shtetit, Gledis Nano, për të dhënë detajet e megaoperacionit.

Përtej suksesit të pretenduar, dhe në fakt duhen përgëzuar organet e drejtësisë, ka një detaj. ?Kokat? e krimit nuk janë kapur.

Ervis Martinaj dhe Suel Çela nuk janë kapur. Pra, vetë njoftimi thotë se janë dhënë ?urdhër-arrestet?, por ama nuk janë kapur. “Kokat” e krimit ikën në ?drejtim të paditur?.

Kujtojmë këtu se Ervis Martinaj është një personazh i shumëpërfolur i botës së krimit e një nga personat e përfshirë në masakrën e ish-Bllokut disa vite më parë me një të vdekur e disa të plagosur.

Por, dje duket se Martinaj i ka lënë me ?gisht në gojë?, dhe nuk është bërë i mundur arrestimi i tij.

Mediat raportuan se një operacion për kapjen e Ervis Martinajt është zhvilluar në Tiranë, te zona e Liqenit të Thatë dhe te Stadiumi Dinamo, por blutë nuk kanë arritur të arrestojnë Martinajn.

Gjatë kontrolleve në hotelin e Ervis Martinajt janë gjetur gjithashtu maska dhe sende të tjera të dyshuara që përdoreshin në ngjarje kriminale. Por, Martinaj nuk është arrestuar, ashtu sikurse as Suel Çela, gjë që çon në dyshime për një dekonspirim të mundshëm të operacionit.

Arrestimi i Nuredin Dumanit, duket se ishte edhe paralajmërimi i parë. Të gjitha mediat e nxorën që Dumani mori statutin ?pentito?. Pra, që ka pranuar bashkëpunimin me drejtësinë. Që do të thotë se ishte një mesazh i qartë për ?kokat? e krimit dhe një paralajmërim për arrestimin e mundshëm të tyre.

Më tej, SPAK-u doli me një tjetër komunikatë, ku mohonte që Dumani ishte kthyer në bashkëpunëtor të drejtësisë, por paralajmërimi tashmë ishte bërë.

Dhe përtej faktit se operacioni i djeshëm ia vlen për t’u përshëndetur, nuk ishte dhe aq ?i suksesshëm? sa pretendojnë, në një kohë që ?kokat? nuk janë prangosur./CNA.al

Zhduket Ervis Martinaj/ Kush e dekonspiroi operacionin e SPAK-ut?

Megaoperacioni i SPAK/ Për çfarë akuzohen 18 të arrestuarit

Mega-operacioni policor/ Kraja dhe Nano zbardhin detaje