LEXO PA REKLAMA!

SHKARKO APP

Zgjedhja e Presidentit/ Rama tallet me opozitën e Alibeajt

18 Maj 2022, 15:38, Politikë CNA
Zgjedhja e Presidentit/ Rama tallet me opozitën e Alibeajt

Zgjedhja e Presidentit të ri ka qenë një nga temat ?më të nxehta? politike. Pazaret mes Alibeajt dhe PS-së janë parë qartë. Sot u mblodhën negociatorët për të vijuar diskutimet dhe për të dalë me një emër që do të prezantohet në raundin e dytë që do të mbahet në datën 23 maj. Pas një orë e gjysmë diskutimesh, mazhoranca pranoi draftin e propozuar nga Enkelejd Alibeaj.

Taulant Balla, në fjalën e tij i tha Alibeajt, se mazhoranca do të mirëpresë propozimet e tij nëse ka dhe nëse ai arrin të mbledhë 20 firma. Alibeaj ka në grupin e tij një numër shumë të vogël të deputetëve, çka do të bënte që të mos shkonte emri që ai do të vendoste pa mbështetjen e ?Rithemelimit?. Në total, nga zgjedhjet e 25 prillit 2021, PD-ja arriti të siguronte 59 deputetë, por ndarja e tyre në dy pjesë ka bërë që sigurimi i 20 firmave të jetë më i vështirë.

Sikur të mos mjaftonte kjo, socialistët hapur u tallën me opozitën e Alibeajt.

Nëse Balla i tha këtij të fundit që të sjellë një kandidat, sekretari i PS-së, Damian Gjiknuri, deklaroi se opozita duhet të sjellë 4 emra. Me një matematikë të thjeshtë, i bie që nëse për një emër duhen 20 firma, për 4 emra duhen 80 të tilla. Vlen të theksohet këtu, se një deputet nuk mund të firmosë për më shumë se një kandidat. Pra, u pa qartë, se ai që po luan filmin dhe po vazhdon marrëveshjen mes Ramës dhe Bashës. Gjiknuri beson vërtet se Alibeaj ka 80 firma?

Sepse është një diferencë shumë e madhe midis asaj që thotë Balla dhe asaj që thotë Gjiknuri, çka tregon qartë se i gjithë ky diskutim është vetëm një lojë për të vendosur në krye të shtetit emrin e Ramës./CNA.al

Lajmet e fundit nga