LEXO PA REKLAMA!

SHKARKO APP

“Rindërtimi përfundon në shtator”/ Ahmetaj: Punimet te “5 maji”, pas vjeshtës

18 Maj 2022, 11:10, Politikë CNA

Gjatë prezantimit të vendimeve të Qeverisë, zv/kryeministri Arben Ahmetaj është ndalur sërish sot te rindërtimi.

Sipas Ahmetajt, procesi i rindërtimit pritet të përfundojë thuajse në të gjithë vendin brenda muajit shtator.

Më tej, ai theksoi se pas kësaj periudhe punimet do të vijojnë vetëm te ?5 maji? dhe në zonën e Kombinatit, ku ka pasur më shumë vonesa për shkak të problemeve me shpronësimet dhe vendimeve të gjykatave.

?Do të fokusohem te vendimet për rindërtimin. Janë një sërë vendimesh për rindërtim të pallateve apo ndërtimeve individuale. Konfirmojnë edhe përfundimin me faza të objekteve arsimore. Një seri objektesh arsimore janë duke u dorëzuar të përfunduara. Ndërkohë, statistikë e rëndësishme është se po ndërtojmë 167 shkolla.

Vetëm në Tiranë po ndërtohen 37 shkolla, më shumë se në 30 vitet e fundit. Shuma në programin e rindërtimit në të gjitha vitet në ato që kanë kaluar dhe në një vit e gjysmë në vazhdim mund të shkojë në 1.2 miliardë dollarë. Në të njëjtën kohë, ndaj me qytetarët një informacion për pjesëmarrjen e kompanive në procesin e rindërtimit. Programi i investimeve publike më social që ka prekur direkt dhe indirekt gjysmë milioni qytetarë dhe ka pjesëmarrjen më të gjerë të kompanive në të gjitha fazat e veta.

Janë vetëm te FSHZH 1377 kompani që marrin pjesë. Fondet janë ndarë me transparencë që nga planifikimi i buxhetit e deri te vendimet e qeverisë. Dua të ndaj me qytetarët që jemi në shumicën e bashkive të dëmtuara nga tërmeti në fund të procesit të rindërtimit. Dy zonat që do të vazhdojnë përtej vjeshtës janë ‘5 maji’ dhe Kombinati për shkak të problemeve të pronësisë apo vendimeve gjyqësore?, deklaroi ai./CNA.al

Lajmet e fundit nga