LEXO PA REKLAMA!

SHKARKO APP

App Store
Google Play

Meta takon drejtoren amerikane për Transparencën/ Mesazh për situatën në Shqipëri

18 Maj 2022, 13:30, Politikë CNA
Meta takon drejtoren amerikane për Transparencën/ Mesazh për

Presidenti Ilir Meta ka zhvilluar sot një takim me Nada Zohdy, drejtoren e ?Open Gov Hub Washington DC?, një nga qendrat më të rëndësishme që promovon në botë transparencën, llogaridhënien dhe pjesëmarrjen qytetare.

Meta bën të ditur se Meta i ka shprehur Zohdy shqetësimin për gjendjen politike, që pretendon se ka prodhuar cenimin e tri parimeve të rëndësishme të demokracisë dhe shtetit të së drejtës në Shqipëri.

Kreu i Shtetit deklaron se duhet rikthyer sistemi i llogaridhënies në çdo nivel, transparenca e nevojshme e administratës publike dhe dëgjimi i zërit të qytetarëve.

?Kënaqësi të takoja sot znj.Nada Zohdy, drejtoren e ?Open Gov Hub Washington DC?, një nga qendrat më të rëndësishme që promovon në botë transparencën, llogaridhënien dhe pjesëmarrjen qytetare.

Në bisedën e frytshme i shpreha shqetësimin për gjendjen shumë të rëndë, veçanërisht në vitet e fundit, që ka prodhuar cenimi i këtyre tri parimeve të rëndësishme të demokracisë dhe shtetit të së drejtës në Shqipëri, duke vrarë shpresën dhe detyruar gjithmonë e më shumë shqiptarët të largohen nga vendi.

Theksova se rikthimi i sistemit të llogaridhënies në çdo nivel, transparenca e nevojshme e administratës publike dhe dëgjimi i zërit të qytetarëve janë nevojë jetike për të rikthyer vendin në shinat e demokracisë.

E falënderova znj.Zohdy për punën që bën ?Open Gov Hub Washington DC? dhe për hapjen e degës së ?Open Gov Hub Albania?, që do të ndihmojë në promovimin e transparencës, llogaridhënies dhe pjesëmarrjes qytetare në Shqipëri.

E garantova se do të shumëfishoj përpjekjet e mia për të bërë gjithçka për rivendosjen e këtyre vlerave, që jo vetëm u sigurojnë qytetarëve një mënyrë për t?u përfshirë në proceset e vendimmarrjes, por dhe garantojnë shtetin ligjor dhe të ardhmen tonë europiane.

Integriteti i zgjedhjeve, transparenca dhe një qeverisje llogaridhënëse përpara qytetarit janë domosdoshmëri për një demokraci më të mirë dhe funksionale?, deklaron Meta./ CNA.al

Lajmet e fundit nga