LEXO PA REKLAMA!

SHKARKO APP

App Store
Google Play

E fundit!

x

Berisha tregon kush i shpëtoi “kokat” e krimit/ Operacioni i SPAK-ut doli blof

20 Maj 2022, 10:24, Politikë CNA
Berisha tregon kush i shpëtoi “kokat” e krimit/ Operacioni i

Ish-kryeministri Sali Berisha ka reaguar në lidhje me operacionin e bujshëm të një dite më parë nga SPAK-u.

Gjatë një deklarate për mediat, Berisha tha se SPAK-u doli blof, dhe se operacioni është dekonspiruar nga vetë ata që njoftuan se Dumani, është kthyer në një të penduar të drejtësisë.

?Janë arrestuar 7-8 ushtarë, kurse bosat që të gjithë u larguan pasi u njoftuan për në drejtime të paditura.

Pse them u njoftuan?

Unë nuk kam të dhëna që morën mesazhe, telefonata nga narkopolicia apo institucione të tjera. Por, një të dhënë e kanë të gjithë shqiptarët.

Disa ditë më parë u bë publike se Dumani, vrasës serial, është bërë i penduar.

Nëse prokuroria dhe kushdo tjetër është interesuar të gjejë dekonspirimin, ky është akti më madhor i dekonsporimit.

Të gjithë ata që e dinin që kishin bërë porosi te Dumani, sigurisht morën arratinë dhe u zhdukën. Askush nuk mund të thotë dhe është absurde se kjo ishte e paqëllimshme. Ky njoftim ishte i qëllimshëm sepse pas çdo bosi qëndron një qeveritar, qëndrojnë lidhjet direkte të Edi Ramës, prokurorëve, policëve e kështu me radhë. Nuk ishte rastësi kjo që ndodhi. Ajo që doli e iu servir shqiptarëve si një sukses ishte një blof.

Mbështes çdo akt dhe përpjekje për ndëshkimin e krimit, por dënoj çdo mbështetje ndaj krimit, përfshirë këtu edhe Edi Ramën.?-tha Berisha./CNA.al

Lajmet e fundit nga