web counter
LEXO PA REKLAMA!

SHKARKO APP

App Store
Google Play

E fundit!

x

Elezi takon demokratët në Pogradec/ Shpalos platformën: Ja pse duhet të më votoni për kryetar të PD-së

19 Maj 2022, 17:20, Politikë CNA

Kandidati për kryetar të PD-së ka takuar ditën e sotme strukturat në Pogradec, ku dhe ka shpalosur programin e tij për drejtimin e partisë më të madhe opozitare në vend.

Elezi në fjalën e tij tha se sot PD-ja nuk shkon me kauzën e bashkimit, por me kauzën e shtrirjes më të gjerë të saj në anëtarësi. Pyetjes se si e shikon këtë garë me Berishën dhe nëse ai është në garë për të fituar apo për të sjellë veçse disa ndryshime ai deklaroi se:

?Së pari unë kam hyrë në këtë garë për të ndryshuar dhe pastaj për të fituar, por kjo nuk do të thotë që nuk kam hyrë për të fituar, nëse demokratët e shohin të arsyeshme. Në fund ka rëndësi gara, pikëpamjet dhe idetë dhe rrugëzgjidhjet për të dalë nga kjo situatë ku është shoqëria, ekonomia dhe çdo fushë tjetër. Unë ua lë në dorë demokratëve, unë si garues nuk mund të them që futem në garë për të mos fituar?.

Elezi ka kërkuar votëbesimin e demokratëve, ndërsa tregon edhe arsyet pse meriton të votohet.

?Në fushatën time unë kam arritur të shfaq një platformë e cila ka 2 elementë. I pari riformatimi i kësaj force politike që të jetë e besueshme për opinionin publik dhe e dyta se si duhet të jetë opozitarizmi përballë këtij sistemi mafioz-oligarkik dhe për ta rrëzuar atë. Po t’i analizoni këto dhe ato çfarë them unë dhe Z. Berisha kanë diferenca shumë të mëdha?, tha ai./CNA.al





Lajmet e fundit nga