Kush e ka radhën pas inceneratorëve?/ Dosja e “nxehtë” në sirtaret e drejtësisë

30 Mars 2022, 09:17, Denoncim CNA

Prokuroria e Posaçme Kundër Krimit të Organizuar dhe Korrupsionit, një ditë më parë ka kryer disa arrestime në kuadër të hetimeve në lidhje me aferën e inceneratorëve. Fokusi i SPAK ka qenë inceneratori i Fierit.

Gjithashtu, SPAK i është drejtuar Kuvendit me një kërkesë, edhe për arrestimin e deputetit të PS, Alqi Bllako, i cili ka qënë ish-Sekretar i Përgjithshëm i Ministrisë së Mjedisit, në kohën që ky institucion drejtohej nga Lefter Koka.

Po ashtu me urdhër të GJKKO janë vënë nën ?sekuestro preventive?, disa nga pasuritë e ish-ministrit Lefter Koka dhe deputetit Alqi Bllako janë sekuestruar nga SPAK.

Kujtojmë këtu se disa muaj më parë, pas hetimit të SPAK për inceneratorin e Elbasanit, u vu në pranga Lefter Koka, ish-ministri i Mjedisit.

Arrestimi i Kokës u bë pas hetimit të SPAK në lidhje me inceneratorin e Elbasanit. Ndërsa në kërkim janë shpallur pronari i Integreted Technology Services, Klodian Zoto dhe Stela Gugallja, pronarja e inceneratorit të Elbasanit.

Bëhet fjalë për një skandal të denoncuar nga CNA.al, në lidhje me futjen e plehrave kimike kineze në vendin tonë, të cilat janë të ndaluara me ligj.

Sipas dokumenteve të siguruara nga CNA.al, skandali ka ndodhur në vitin 2018, ku në vendin tonë kanë hyrë me mijëra kuti me pesticide kineze që përdoren në bujqësi, të pacertifikuara nga Bashkimi Europian, të cilat ndaloheshin nga ligji.(Lexo këtu)

CNA.al tregoi me dokumente ekskluzive sesi sasi pecticidesh të ndaluara janë ngarkuar në Kinë, më pas nga Shanghai kanë mbërritur në Durrës. (Lexo këtu)

Një pjesë e porosive ishin nisur nga AGRO-ZANI shpk, me adresë në Berat, e cila ka deklaruar se shoqëria eksportuese kineze, është filial i një kompanie spanjolle, gjë e cila nuk është provuar kurrë.

Ndërsa, një sasi tjetër, rezulton të jetë porosi e kompanisë ?Shegaj-Agr shpk?, e cila administrohet nga Adriatik Hadëri. Kjo shoqëri në 14.03, 2018 ka deklaruar zhdoganim për pesticide, të cilat përdoren në bujqësi, ku thuhet qartë se kompania eksportuese është një kompani kineze.

Ky shtetas ka deklaruar se shoqëria eksportuese kineze, është filial i kompanisë ?MAC-GmbH, me adresë në Gjermani. (Lexo këtu)

Në lidhje me këtë skandal janë vënë në dijeni edhe organet e drejtësisë.

Gjithçka ka shkuar drejt Prokurorisë së Durrësit, për t?u hetuar si një skandal, pasi Drejtoria e Hetimit, në dogana ka dhënë informacion të plotë.

Po ashtu edhe KLSH, ka filluar një kontroll në dogana, në lidhje me skandalin në fjalë. (Lexo këtu).

Faktet, dokumentet e publikuara duhet të shërbejnë si një këmbanë alarmi dhe një provë për Reformën në Drejtësi dhe institucionet e dala prej saj.

Dokumentet tregojnë se pesticidet e sjella nga një kompani kineze, futur në Shqipëri direkt nga Kina, nuk kanë marrë çertifikimin e standartit të Bashkimit Europian.

Dokumentet janë të qarta, provat janë aty, dhe SPAK ka shansin t?iu tregojë shqiptarëve se më në fund do të vijë drejtësia e munguar.

Ashtu si për inceneratorët, SPAK duhet të ?zgjohet? edhe për skandalin e pesticideve kineze, të cilat tashmë mendohet se janë konsumuar nga shqiptarët. Përgjegjësit duhet të përballen me drejtësinë./CNA.al

Ekskluzive-Skandali, plehra kimike kineze për shqiptarët

Plehra kimike kineze për shqiptarët/ Kush ia ?kyçi? gojën SPAK?

Plehra kimike kineze për shqiptarët/ SPAK përfshihet në skandal?

Dokumentet ekskluzive-Thellohet skandali me plehrat kimike kineze në Shqipëri/ Zbulohen të tjera detaje