LEXO PA REKLAMA!

SHKARKO APP

Pesticide kineze për shqiptarët/ KLSH fillon kontrollin tek doganat

14 Qershor 2021, 09:08, Denoncim CNA
Pesticide kineze për shqiptarët/ KLSH fillon kontrollin tek doganat

CNA.al ka denoncuar së fundi, një skandal të përmasave të mëdha, ku dyshohet se janë të përfshirë zyrtarë të lartë të politikës.

Bëhet fjalë, për futjen në Shqipëri, të mijëra kutive me pesticide kineze, të ndaluara nga ligji. Sipas ligjit, në Shqipëri mund të futen vetëm pesticide të çertifikuara nga Bashkimi Europian. Por, kjo nuk ka ndodhur.

Në Shqipëri janë futur pesticide ku kompani eksporti është një kompani kineze, e cila pretendohet se është filial i një kompanie spanjolle, por kjo lidhje nuk është provuar kurrë, dhe duket se tashmë krimi ka ndodhur.

Ndërkohë, CNA.al ka mësuar se Kontrolli i Lartë i Shtetit, ka nisur një kontroll tek doganat, në lidhje me skandalin në fjalë.

Të njëjtat burime bëjnë të ditur se një grup inspektorësh të KLSH-së, kanë filluar kontrollet tek Drejtoria e Përgjithshme e Doganave, në lidhje me futjen e pesticideve kineze në Shqipëri.

Denoncimi i CNA.al

CNA.al ka mësuar se në vitin 2018, janë futur në Shqipëri sasi të mëdha pesticidesh kineze që përdoren në bujqësi, të cilat besohet se tashmë edhe janë konsumuar, nga konmsumatorët shqiptarë.

CNA.al tregoi me dokumente ekskluzive sesi sasi pecticidesh të ndaluara janë ngarkuar në Kinë, më pas nga Shanghai kanë mbërritur në Durrës. (Lexo këtu)

Të gjitha porositë e nisura nga AGRO-ZANI shpk, me adresë në Berat.

Në të gjitha rastet shoqëria AGRO-ZANI shpk, ka deklaruar si kompani eksporti një shoqëri kineze, dhe duke pretenduar se kjo e fundit është filial i një shoqërie spanjolle, ?Industrial Quimica Key?., por që asnjëherë nuk është provuar lidhja e tyre.

Ndërsa, një sasi tjetër, rezulton të jetë porosi e kompanisë ?Shegaj-Agr shpk?, e cila administrohet nga Adriatik Hadëri. Kjo shoqëri në 14.03, 2018 ka deklaruar zhdoganim për pesticide, të cilat përdoren në bujqësi, ku thuhet qartë se kompania eksportuese është një kompani kineze.

Ky shtetas ka deklaruar se shoqëria eksportuese kineze, është filial i kompanisë ?MAC-GmbH, me adresë në Gjermani. (Lexo këtu)

Po ashtu, sipas të dhënave zyrtare të siguruara nga CNA.al, mësohet se gjithçka ka shkuar drejt Prokurorisë së Durrësit, për t?u hetuar si një skandal dhe gjithashtu ka pasur edhe një informacion të plotë, dhënë nga Drejtoria e Hetimit, në dogana./CNA.al

Ekskluzive-Skandali, plehra kimike kineze për shqiptarët

Ekskluzive-Skandali, plehra kimike kineze për shqiptarët

Ekskluzive-Skandali, plehra kimike kineze për shqiptarët

Lajmet e fundit nga