Connect with Us

Ekskluzive-Skandali, plehra kimike kineze për shqiptarët

Denoncim

Ekskluzive-Skandali, plehra kimike kineze për shqiptarët

Publikuar

-

cna lajme aktualitet

Një skandal deri në kufijtë e të paimagjinueshmes, ku institucionet qeveritare shqiptare janë përfshirë deri në lejimin e futjes së pesticideve nga Kina në Shqipëri. Pesticide, të cilat ndalohen rreptësisht pasi nuk njihen nga standartet e BE-së.

CNA.al ka mundur të sigurojë dokumente dhe të dhëna zyrtare në lidhje me një skandal të ndodhur në doganat shqiptare, në vitin 2018.

Në këtë skandal janë përfshirë zyrtarë të lartë, ka pasur edhe një hetim nga prokuroria.

Ne do të sjellim dosjen e plotë sesi institucionet në varësi të qeverisë shqiptare lejuan futjen në Shqipëri të mijëra kutive me pesticide për bujqësinë. Pesticide kineze, jashtë kontrollit dhe jashtë standardit të Bashkimit Europian.

Sipas burimeve zyrtare dhe të dhënave të dokumentuara tashmë nga CNA.al, i gjithë procesi i futjes në Shqipëri të këtyre pesticideve kineze të pakontrolluara, jashtë standardit të BE-së, është bërë duke pasur kamuflim një kompani spanjolle. Por që në fakt ende nuk është provuar lidhja e kompanisë spanjolle, pra asaj që mund të garantonte cilësinë dhe standartin e BE-së, për pesticidet, me kompaninë kineze që solli pesticidet në Shqipëri.

Pra, e vërteta është se pesticidet e sjellë nga një kompani kineze, futur në Shqipëri direkt nga Kina, nuk kanë marrë çertifikimin e standartit të Bashkimit Europian. Dhe megjithëse një akt i tillë ndalohet rreptësisht nga ligji, pasi në Shqipëri nuk mund të hyjë asnjë pesticide apo plehra kimike nga vende jashtë BE-së, krimi mesa duket ka ndodhur.

Dokumentet, CNA.al do ti sjellë ditë pas dite, duke treguar sesi doganat shqiptare lejuan futjen në vendin tonë të pesticideve të ndaluara. Një skandal ku janë përfshirë zyrtarët më të lartë të shtetit dhe Drejtoria e Përgjithshme e Doganave.

LEXO EDHE:  Rama me “dorë të hekurt”/ Ja sa vite burg rrezikon kush abuzon me lejet e ndërtimit

CNA.al do të sjellë ditë pas dite dokumentat që tregojnë sesi një kompani kineze ka futur sasi të mëdha pesticidesh, të cilat nuk janë të standartit të BE-së dhe të lejuara nga ligji në Shqipëri.

Pra, për të futur pesticide në Shqipëri do të duhet të ketë një çertifikim të standartit të Bashkimit Europian, por kjo nuk ka ndodhur.

Në këtë rast ka pasur edhe një përplasje dhe konflikt mes zyrtarësh. Ka pasur “viktima”, ka pasur “prerje kokash”, por jo në kundërshtim, pra për të bllokuar hyrjen e pesticideve në Shqipëri, por për t’i favorizuar ato.

Ka përfshirje të zyrtarëve të lartë, drejtues të lartë të qeverisë shqiptare dhe CNA.al, do të sjellë ditë pas dite, dokument pas dokumenti një skandal, i cili e ka zanafillën në vitin 2018, ku pesticide nga Kina kanë hyrë në territorin shqiptar dhe mesa duket tashmë janë konsumuar nëpërmjet ushqimeve të ndryshme nga qytetarët shqiptarë.

Për këtë ngjarje, ashtu siç e përmendëm edhe më lart, ka pasur edhe një hetim nga prokuroria. Ne do të zbulojmë detajet në ditët në vijim.

CNA.al ka siguruar informacione nga prokuroria e Durrësit.

Gjithashtu edhe KLSH ka filluar verifikimin e këtij skandali, që do ta zbardhë CNA.al të plotë./CNA.al

Për të rejat më të fundit behuni pjesë e grupit tonë në facebook : City News Albania

Komentoni

Adresa juaj email nuk do të bëhet publike. Fushat e domosdoshme shënohen *

Denoncim

“S’kam ça i bëj këtij, se ty të rrjepi…”/ Merr leje për HEC, por italiani e përzë

Publikuar

-

Nga

cna news, cna lajme, lajme cna, lajme flash cna, cna.al, cna lajme politike, cna kronike, cna lajme bote, cna show

Emisioni “Stop” tregon sot se mosfunksionimi i institucioneve shtetërore është bërë shkak për falimentimin e një biznesi në fushën hidrike. Rasti në fjalë ka të bëjë me një leje ndërtimi për një HEC në fshatin Fshat të Kukësit, dhënë nga MIE.

Por në territorin e kësaj leje një firmë tjetër me pronar italian, që operon në të njëjtën fushë ka ndërtuar pa leje, duke u bërë pengesë për zbatimin e projektit të miratuar nga institucionet.

“Administrator është një italian, por ka përfaqësues të tjerë në Shqipëri. I kam vënë në dijeni të gjitha organet kompetente si Bashkinë Kukës, policinë, ministrinë, IKMT dhe nuk kam marrë asnjë përgjigje. Për një ndërtim pa leje i kanë marrë fëmijët, i kanë nxjerrë jashtë dhe i kanë prishur. Kur unë një ndërtim e kam me leje të firmosur nga kryeministri i Shqipërisë, nga ministrat, nga organet e tjera kompetente, unë nuk kam asnjë mbështetje nga shteti”, tha denoncuesi Bashkim Gjoka.

Ndërtimi pa leje nuk prishet edhe pse ka ankesa zyrtare për këtë. Italiani ka punësuar një kompani private sigurimi, që i ndalon punonjësve të firmës së rregullt të kalojnë për të shkuar në HEC-in me leje.

“Kam pasur përplasje atje dhe policia më është shprehur me thonë që e ka zënë përpara ky personi. Thashë unë jam me certifikatë pronësie, me leje, me të gjitha. Jo, por është italian ky personi. Çfarë do të thotë kjo? Një italian mund të ndërtojë pa leje dhe një shqiptar me certifikata nuk ndërton? Është e haitshme komplet. Më kanë shoqëruar punëtorët, m’i kanë çuar në polici”, tha denoncuesi.

Ky konflikt ka 3 vjet, që vazhdon dhe Policia e Kukësit nuk bën asgjë, megjithëse ka qenë 10 herë në fshat për këtë problem.

Roja 2: Mos e kalo këtë!

Topografi: Ore dakord, hajde një sekondë, që mos ta kaloj! Flasim, të pyes për diçka!

Roja 2: Kush je ti?

Topografi: Topograf jam, dua të mas diçka këtu poshtë!

Roja 2: Çfarë me mat ti, s’ka, duhet me ardhur me një shkresë, me nji dokument nga…

Topografi: Nga duhet ta marr dokumentin?

Roja 2: Duhet ta marrësh prej Lapajve, prej firmës atje poshtë, përndryshe s’e merr.

Topografi: Po në dokumente e shoh, që e ka ky, prandaj po të pyes edhe e marr nga ky atë.

Roja 2: A ky më paguan mua, ti, a kush?

Topografi: Unë nuk e di, kush të paguan ty, po…

Roja 2: Zotëri, që këtej e ruaj unë këtë vend, ti guxo e hyn..!

Roja 2: O shoku!

Topografi: Po!

Roja 2: Nga je ti?

Topografi: Tirana!

Roja 2: Po çar, a ty duhet me të dhënë llogari?!

Topografi: Po pse mos të më japësh? Dua të bëj matjet!

Roja 2: Po shko o pirdhu me gjithë matjet, rrotë!

Roja 3: Nuk vjen dot me hy, me bo matjet ti qishtu, se të teket ty qishtu, civil or ti, shko merr ato të tjerat e hajde hyn. Kush je ti, që dashke me hy qishtu, or ti?

Topografi: Ore zotëri, përfaqësoj këtë unë.

LEXO EDHE:  Rama me “dorë të hekurt”/ Ja sa vite burg rrezikon kush abuzon me lejet e ndërtimit

LEXO EDHE:  Ndikimi i Macronit në botë/ A është ai superdiplomati i ri?

Roja 3: Po jooo ore, ik andej!

Roja 2: Ec o shoku, s’kam ça i bëj këtij, se ty të rrjepi!



Bashkim Gjoka: S’kam pse dal nga prona ime.

Polici: Po s’e njof unë atë.

Bashkim Gjoka: Si s’e njef ti me pronën time, s’e njef pronën time?

Polici: Unë e njof si dokument.

Bashkim Gjoka: Ja prona ime, kjo është leje e ndërtimit.

Polici: Unë e njoh si dokument, po unë nuk e di, ku është zona kadastrale 1614.

Bashkim Gjoka: Po si ia din atij ti zotëri?

Polici: S’më intereson, kush me ia dit.

(Debate me policin)

Shefi i Krimeve: Kemi telefonatë, që keni probleme. Të dy palët në komisariat! Hajd’ dokumentat, me mu në komisariat!

Bashkim Gjoka: Si të vij në komisariat unë me pronën time? Pse s’merr në komisariat atë, që s’e ka pronën e vet?

Shefi i Krimeve: Edhe atë do të vijnë, edhe ata do të vijnë në komisariat.

Bashkim Gjoka: Po unë kam ngel mbi 7 herë, kam ardhë në komisariat tu kërku pronën time. Unë kam paraqit një leje, unë kam certifikatë pronësie, kam një leje ndërtimi të firmosur nga kryeministri, që kam afat kohor tashi vi janë forcat nuk të lënë, me hy brenda.

Inspektori i policisë pranon, se italiani është në shkelje, por ai nuk ka fuqi të veprojë.

Shefi i krimeve: Tash o Ilir, i kemi mësuar përmendësh këtë pjesë, ta kemi shpjeguar edhe ty, që nuk jemi ne organ kompetent, që të themi kjo truall është e jotja dhe kjo tokë është e imja. Nuk merret policia me porta, o burrë i dheut.

Ilir Gjoka: Po pse, mo burrë?

Shefi i krimeve: Po jo mo miku im, se nuk jam inxhinier.

Topografi: Po mirë, IKMT-ja s’të ka sjellë ty përshëmbull, se unë pashë një letër aty, që ka vendim prishjeje, që i drejtohet IKMT-së, në shkurt më duket.

Shefi i krimeve: Po në mars fare, në 23.6

Topografi: Nuk të ka ardhur ty?

Shefi i krimeve: Jo pra, atë i kemi kërkuar, i kemi drejtuar 20 herë shkresë IKMT-së, ajo IKMT na sjell të gjithë kshu.

Topografi: Se është institucion shtetëror, që e ka dhënë institucion shtetëror që e zbaton, se kush e mbron ktë? Shteti e mbron. Ia ka dhënë shteti, shteti ka instancat e veta, që e mbron nga policia e me radhë.

Shefi i krimeve: I kemi bërë kërkesë IKMT-së, të gjitha, a keni nxjerrë ndonjë vendim për prishje?

Topografi: Është vendimi për prishje.

Shefi i krimeve: Po pra, pse s’e zbatojnë?

Topografi: Ka ardhur këtu mo, po erdhi dhe dje tjetra.

Ilir Gjoka: Ka ardhur tjetër vendim prishjeje.

Shefi i krimeve: Ore ne po nxitoshim, si e si këtë konflikt, një sekondë e më përpara, më ngelën policët atje mo vëlla, ne s’po ndjekim hashashin, që ka filluar rrugëve tani, po ngelëm duke u marrë me të dhe kur më vjen telefonatë, që janë duke.., ngelëm më këta mo burrë, ngelëm me këta gjithë natën. Parashikova shërbimet, ngelëm me këta mo burrë. Pse? Se nuk japin zgjidhje institucionet./tvklan.al

LEXO TE PLOTE

Denoncim

“Të duket vetja superiore”, dhuna barbare e partnerit bën gruan për spital

Publikuar

-

Nga

cna, lajme, denoncim

Ditët e fundit kemi dëgjuar shumë raste të dhunës në familje. Viktima të dhunës janë gratë dhe nënat e fëmijëve. Vetëm në 9 muajt e fundit janë vrarë 16 gra nga bashkëshortët e familjarët.

Historia, që emisioni “Stop” solli sot, është ajo e një zonje, e cila prej 1 viti e gjysmë dhunohet nga ish-bashkëjetuesi i saj. Gruaja ka një djalë 15 vjeç dhe një tjetër 3 vjeç, të ardhur në jetë nga marrëdhënia me agresorin Ervin Hysolli.

“Ka ushtruar dhunë sistematike tek unë, dhunë kafshërore. Arsyet kanë qenë të kota. Të shumtat e rasteve kanë qenë lekët. Zotëria, herë punonte dhe herë jo. Shtëpia mbahej nga lekët e mia. Filloi të ushtrojë dhunë nga unë “të duket vetja superiore”. Fëmijët, djalin me të cilin e kam bashkëjetuesin është 3 vjeç e gjysmë dhe djali im i madh është 15 vjeç.

Dhuna ndodhte në sy të fëmijëve. Kohët e fundit nuk e dërgoja djalin në shkollë sepse ishte i papunë, mbaja djalin në shtëpi nga frika që kisha sepse për gjënë më të kotë, nëse flisja thoshte që provokon dhe më godiste. Nëse nuk flisje, thoshte më injoron dhe përsëri më godiste”, tha gruaja.

Përplasjet nisën për arsye financiare, pasi Hysolli nuk kishte punë dhe para. Një nga herët, dhuna u bë e padurueshme dhe zonja përfundoi në spital e më pas në komisariatin numër 3, ku bëri denoncim.

“Kërkonte lekë nga unë, nuk ia jepja. Herën e fundit që degradoi është kacafytur me djalin e madh. Kur djali mëpa përtokë të gjakosur, iu vërsul dhe i tha mos e prek më nënën time. Filluan të kacafyteshin dhe kjo ishte arsyeja pse kam shkuar në spital. Kur kam parë policin e ndjeva që nëse nuk e denoncoja atëherë jeta ime radhës tjetër do kishte marrë fund”, tha viktima e dhunës.

LEXO EDHE:  Noka: Qeveria në shërbim të bandave të krimit

LEXO EDHE:  Rama me “dorë të hekurt”/ Ja sa vite burg rrezikon kush abuzon me lejet e ndërtimit



Gjithçka ndodhte në sy të fëmijëve dhe i madhi e regjistroi me telefon gjithë aktin shtazarak të rrahjes barbare të së ëmës.

“Unë sa po vija nga shkolla dhe po dëgjoja se po ziheshin me fjalë. Hyj në dhomë dhe shkoj tek kompjuteri. Dëgjoj zhurma goditjeje. Marr telefonin, shkoj e regjistroj. E shikoja që po dhunohej. Vëllai i vogël po qante dhe e regjistrova. Ai bënte zënka të përditshme. Për gjëra të vogla fare. Për shembull pse ra vëllai”, tregon i mituri.

Çfarë ndodhi pas denoncimit? A iu dha mbrojtje zonjës?

“Kam qëndruar katër orë tek ushtaraku. Policia ka shkuar dhe e ka marrë në shtëpi, kanë vajtur në komisariat numër 3. Kam treguar edhe videot e dhunës që ka ushtruar. Policia e ka thirrur, e ka mbajtur dy orë dhe e ka liruar”, tregoi e dhunuara.

Gjykata është mjaftuar vetëm me një urdhër mbrojtjeje.

“Kam urdhër mbrojtjeje vetëm për një vit. Personi është i lirë dhe kur jemi ballafaquar në gjykata, ka buzëqeshur në mënyrë kërcënuese dhe ironike që “ti nuk më bën dot asgjë mua””, tha e dhunuara./ tvklan

LEXO TE PLOTE

Denoncim

Fiks Fare/ Fadromat gërryejnë lumin Shkumbin, shteti mbush sirtarët me shkresa!

Publikuar

-

Nga

“Fiks Fare” i është rikthyer edhe një herë shfrytëzimit të lumenjve pa kriter. I tillë është dhe lumi Shkumbin i cili gërryhet në mënyrë të paligjshme nga fadroma dhe kamionë, që punojnë natë e ditë pa pushim. Këto mjete i përkasin firmës ‘Benardo’.

Për të kuptuar nëse kjo firmë ka leje shfrytëzuese gazetarët e Fiksit telefonojnë pronarin e firmës , të cilin në telefon ua kalon një shofer kamioni.Pronari urdhëron gazetarët e Fiksit të mos shkojnë buzë lumit Shkumbin atje ku ndodhen edhe mjetet duke punuar. Sipas tij lumi Shkumbin është pronë private dhe media nuk është askush.Duke ofenduar madje të gjithë grupin e xhirimit thotë të vijnë institucionet shtetërore të merren me këtë punë. Madje shoferi i kamionit kërkon t’i rrëmbejë kamerën operatorit të Fiksit për të fshirë xhirimet dhe për mos t’i lejuar të xhirojnë edhe më shumë masakrën që po bën kjo firmë në lumin Shkumbin. Pas njoftimit të gazetarëve në vendngjarje mbërrijnë edhe policia dhe IKMT . Sipas inspektorëve të IKMT kjo firmë ka leje rehabilitimi të fituar me vendim gjykate. Ndërsa inspektimin e kryen vetëm Agjencia e Baseneve Ujore.

LEXO EDHE:  Skandali me COVID-19/ Shqipëria tërhiqet pjesërisht nga Konventa Europiane për Mbrojtjen e të Drejtave të njeriut

LEXO EDHE:  Skandali me COVID-19/ Shqipëria tërhiqet pjesërisht nga Konventa Europiane për Mbrojtjen e të Drejtave të njeriut



Gazetarët e Fiksit shkojnë tek kjo agjenci për të pyetur. Drejtuesi i Agjencisë së Baseneve Ujore sqaron se firma ‘Benardo’ ka marrë leje rehabilitimi në vitin 2017. Në vitin 2019 lejet e rehabilitimit u hoqën për çdo firmë përfshirë edhe firmën ‘Benardo’. Ndërkohë me anë të një vendimi të Gjykatës të Shkallës së Parë Elbasan, kjo firmë i është rikthyer punës pavarësisht se çështja është në Apel. Drejtuesi i institucionit shtetëror nuk di të jap një shpjegim nëse firma në fjalë duhet të punoj apo jo! Gjithashtu drejtuesi i Agjencisë së Baseneve Ujore tregon për Fiksin se nga inspektimet e kryera në muajin korrik 2021 firma ‘Benardo’ rezulton që bën gërryerje të jashtëligjshme.Këtë relacion drejtuesi e ka nisur në IKMT dhe polici si dhe instancave të tjera vepruese, pasi Agjencia e Baseneve Ujore bën vetëm konstatime. Pavarësisht se kjo shkresë ka shkuar në IKMT e Përgjithshme, në IKMT Elbasan, e cila kryen verifikime në terren, nuk ka mbërritur akoma! Pra firma ‘Benardo’ me anë të fadromave vazhdon të gërryejë lumin Shkumbin,ndërsa institucionet me anë të shkresave mbushin pafund sirtarët e tyre!/Tch

LEXO TE PLOTE