LEXO PA REKLAMA!

SHKARKO APP

App Store
Google Play

E fundit!

x

Mbahej gabimisht në qeli/ Gjykata liron me kusht qytetarin

9 Qershor 2021, 19:26, Denoncim CNA
Mbahej gabimisht në qeli/ Gjykata liron me kusht qytetarin

Në datën 1 Qershor emisioni ?Stop? publikoi denoncimin e Leandro Përgjegaj, i biri i Pal Përgjegaj. Ai tregoi, se i ati u ndalua në Rinas më 15 maj 2021 në zbatim të një vendimi gjykate të vitit 2020, për akuzën e kultivimit të lëndëve narkotike.

Prokuroria e lidh këtë person me një numër telefoni, për të cilin i biri u shpreh, se babai i tij nuk e ka patur kurrë. Pali kishte mbi dy javë në qeli. Nga ana tjetër në numrin e telefonit në fjalë, ?Stop? telefonoi dhe u përgjigj një tjetër person, i quajtur Pal Përgjegaj, por me gjeneralitete të tjera të prindërve, i biri i Gjon dhe Dile Përgjegaj.

Në datën 2 Qershor avokatët e Pal Përgjegajt kërkuan ndryshimin e masës së arrestit, por gjyqi u shty, sepse fashikulli i dosjes nga Gjykata e Kukësit nuk ishte depozituar në Gjykatën e Apelit Shkodër. Ndërsa në 7 Qershor gjykata vendosi detyrim paraqitjeje dhe qëndrim në Shqipëri për zotin Përgjegaj, deri në përfundim të gjykimit.

?Në seancën e datës 7 Qershor, Gjykata e Apelimit Shkodër morën masën e lirimit, detyrimin e paraqitjes për t?u paraqitur njëherë në muaj në polici të Kukësit që unë nuk e quaj të drejtë. Unë, i pafajshëm, provat janë aty. Më mbajtën 24 ditë, plus kësaj më japin një dënim më të madh me të padrejtë që të largohem nga Shqipëria për në Itali. Unë në Itali punoj, ushqehem. Mbaj familjen. Nuk e di se si më akuzojnë. Sa kam hyrë i kam parë ata njerëz të shkretë. Ata as nuk më njihnin, asnjë gjë. Ju nuk më njihni mua i thashë unë. Ju falenderoj që keni nxjerrë të vërtetën sepse bëri që të jem pak i lirë, të marr ajër?, tha ai. /tvklan.al

Lajmet e fundit nga