LEXO PA REKLAMA!

SHKARKO APP

E fundit!

x

Zbulohen faktet-PD humbi zgjedhjet/ Kunati i Bashës, firmosi miliona euro kontrata për blerje pasurish

25 Mars 2022, 09:37, Denoncim CNA
Zbulohen faktet-PD humbi zgjedhjet/ Kunati i Bashës, firmosi miliona euro

Erion Isufi i lakuar si njeriu që ka marrë vendime në PD, nëpërmjet kunatit të tij Lulzim Basha, vendime këto në favor të interesave të tij pasurore, dyshohet se e ka shtrydhur PD-në, për të shtuar dhe lulëzuar pasurinë e tij.

Vera e vitit që shkoi ka rezultuar frytdhënëse për Erion Isufin, kunatin e shumë përfolur të Lulzim Bashës. PD humbte zgjedhjet Isufi shtonte pasurinë me mijëra metër katror sipërfaqe për biznes dhe  banim e garazhde.

CNA.al gjatë një investigimi ka  siguruar dokumente zyrtare, pjesë e një kontrate për blerje të disa patundshmërive, të cilat i sollëm një ditë më parë.

Sipas dokumentit në fjalë, në gusht të vitit 2021 Erion Isufi në bashkëpunim me të atin dhe të shoqen dhe si përfaqësues i shoqërisë “Moveo Albania Technology” shpk ka nënshkruar disa kontrata sipërmarrje/prenotimi me shoqërinë e ndërtimit “Lion Construction” shpk për porosinë e disa pasurive të paluajtshme në rezidencën më të re që po ndërtohet në Rrugën e Elbasanit, në hyrjen e parkut të liqenit artificial.

Një zone tejet të kushtueshme, pranë Liqenit artificial, ku Isufi ka blerë disa apartamente, njësi biznesi dhe disa vende parkimi. Shifrat në treg sipas agjensive shkojnë nga 3-4 mijë euro m2 i apartamenteve dhe 5-8 mijë për njësi tregëtare.

Sot, po sjellim edhe shifrat marramendëse me të cilat janë blerë pronat nga kunati i Lulzim Bashës.

Megjithëse, pasuritë e blera nga Isufi, në zonën e Liqenit, sipas vlerës së tregut kushtojnë shumë e më shumë se aq sa  është shkruar në dokument. Pasi vlerat reale të deklaruara me ato që raportojnë agjensitë kanë diferenca deri në 3 herë.

Por një investigim më të hollësishëm CNA.al do ta sjellë në vijim. Më poshtë po sjellim çmimet me të cilët pretendohet se janë blerë këto pasuri me vlerë miliona euro.

Sipas dokumentit që posedon CNA.al, Erion Isufi ka ka blerë sipërfaqe të tëra njësish tregtare, apartamente, vende parkimi, një godinën polifunksionale, që  i është hapur rruga për ndërtim që në vitin 2019, pas një vendimi të KRRT-së.

Isufi ka blerë njësi tregtare me sip 985.2 m2 me çmim shitje 1 478 250 Euro, që sipas kompanisë do të paguhej me këste nga kunati dhe babai i tij.  Pra vlera raportohet me rreth 1500 euro m2. Kjo shumë e mbuluar pjesërisht dhe nga një kredi marrë nga Isufi dhe bashkëshortja e tij.

Një tjetër pasuri e blerë nga Isufi është njësi tregtare me sipërfaqe 1‘158.66 m2 me çmim shitje 3 150 396 Euro, që siç thuhet në kontratë, do të paguhet më këste nga pronari i ardhshëm, i ?Moveo Albania Technology?.

Po në të njëjtën rezidencë është blerë një apartament dhe tre vendparkime me çmim total 272 165 Euro, nga Erion Isufi dhe bashkëshortja Stela Dhami.

Në emër të babait tashmë të ndjerë, Xhaferr Isufi, në gusht të vitit 2021,  janë blerë apartament dhe dy vendparkime me çmim total 352 240 Euro.

Sipas këtyre të dhenave janë blerë 2143 m2 sipërfaqe njësi tregëtare me vlerë të deklaruar 4,628,646 Euro ose 5.6 miliardë lekë.

Gjithashtu janë blerë dy apartamente dhe pesë vend-parkime me vlerë 624,405 euro ose 761 milionë lekë.

Shuma totale shkon 5,253,051 Euro ose 6.4 miliardë lekë.

PD humbte zgjedhjet për herë të tretë, Basha po shpallte përjashtimin e Berishës, duke çuar opozitën në përçarje, Erion Isufi, kunati i kryetarit të PD në atë kohë shtonte pasuritë e paluajtshme dhe paguante miliona euro për luks në qendër të Tiranës./(vijon) CNA.al

Basha humbte zgjedhjet/ Kunati shtonte pasurinë me 3 mijë m2 në qendër të Tiranës

Ekskluzive-PD digjej/ Kunati i Bashës blinte mijëra metër katrorë biznese

Kunati ?big money?, i Lulzim Bashës/ Milionat që mbledh nga kompanitë e tij

Dokumentet/ Të gjithë oligarkët paguajnë kunatin e Bashës

Kompanitë e familjarëve të Bashës 2 miliardë lekë xhiro, deklarojnë fitime thërrimet/ Evazion fiskal qindra milonë lekë?!

Zbulohen oligarkët e Lulzim Bashës?!/ Miliarda lekë në bizneset e kunatit

Lajmet e fundit nga