Dorëheqja me turp e Lulit/ Nard Ndoka nuk i kursen ironitë: Të rikthehet roja në detyrë

21 Mars 2022, 17:44, Aktualitet CNA

Kreu i Partisë Demokristiane, Nard Ndoka ka reaguar pas dorëheqjës së vonuar të Lulzim Bashës.

Në një prononcim për CNA.al, Ndoka nuk është kursyer ndaj kryetarit të shkarkuar për të cilin tha se kjo ishte një dorëheqje me turp, si politikant i dështuar që asnjëherë nuk i mbajti premtimet.

?Dorëheqja e Bashësh është një vendim i vonuar dhe i dështuar. Basha edhe me dorëheqjen ia heq shkëlqimin vetes pasi edhe dorëheqja ka një logjikë, argumentat e veta dhe çdo njeriu i jep nje lloj shkëlqimi e merite kur vjen për arsye politike dhe si një ndërgjegje e brendshme e njeriut që e jep. Në këtë rast dorëheqja e Bashë ishte më tepër e diktuar dhe e pashmangshme për shkak të disfatave të tij. Është një lider qe nuk fitoi asnjë betejë në jetën e tij politike.

Është një lider që i gjithë Grupi Parlamentar që ai vetë i kishte emëruar në ato poste i kërkuan dorëheqjen, edhe ushstarët e fundit të tij i kërkuan dorëheqjen. Parë në këtë standart ku ai fundosi Partinë Demokratike në një parti të tretë politike, besoj se Basha dorëhiqet me turp, si një lider i dështuar, pa karakter dhe një lider që asnjëherë në karrierën e tij politike nuk i mbajti premtimet?, tha ai.

Sa i përket liderit të ri të PD, Ndoka tha me ironi se dhe roja i cili tha dorëheqjen mund ta bëjë detyrën me mirë se kryetari shkarkuar.

?Sa i përket liderit të ri të Partisë Demokratike, mund të them që fillimisht duhet kthehet në detyrë roja i cili dha dorëheqjen nga Basha dhe jam i bindur që mund ta bëjë edhe më mirë edhe detyrën e zotit Basha. Të paktën brenda PD-së të nisë një cikël ku hapi i parë duhet të jetë rikthimi i rojës si një autoritet më i lartë se Basha sot.”

Sa I përket liderit të demokratëvë Sali Berisha Ndoka tha se ka rëndësi të hapet një mundësi për PD.?

?Berisha ka tashmë një rol përcaktues aq më tepër që rikthimin në krye të PD nuk e ka një ego personale apo bazuar në një agjendë të ndërtuar politike. Rikthimin e ka më tepër shenjë përgjegjësie në një farë mënyre duke i kërkuar falje anëtarëve të Partisë Deemokratike për mundësinë dhe besimin që i ka dhënë një njeriu të paaftë si Lulzim Basha.?/E.T-CNA.al