Pas urdhrit të Gledis Nanos, FNSH dhe policia “blindon” Fierin/ Postblloqe në gjithë qytetin

25 Janar 2022, 18:20, Kronika CNA
Pas urdhrit të Gledis Nanos, FNSH dhe policia “blindon” Fierin/

Qyteti i Fierit është ?blinduar? mbrëmjen e sotme.

Sipas asaj që raportohet në media, grupe kontrolli të përbëra nga Forcat e ndërhyrjes së shpejtë, struktura e Hetimit në drejtorinë e Policisë Fier, oficerë e agjentë të krimeve në Komisariatin e Policisë Fier dhe patrulla e përgjithshme, kanë zbritur në terren në shumë postblloqe.

Automjetet luksoze e ato me targa të huaja janë ato që ndalohen më tepër, ndërsa vihen re edhe kontrolle automjetesh e kontrolle trupore të drejtuesve të tyre e pasagjerëve. Postoblloqet nuk janë ngritur vetëm në hyrje dhe dalje, por në të gjithë qytetin.

Nga policia e Fierit, paraprakisht mësohet se fokusi është tek kapja e personave në kërkim, atyre që mund të kenë armë zjarri apo atyre që tentojnë të shpërndajnë lëndë narkotike.

Ky kontroll vjen vetëm një ditë pasi në Fier ishte i pranishëm në analizën e punës së Drejtorisë së Policisë Fier edhe kreu i Policisë së shtetit Gledis Nano./E.K-CNA.al

Lajmet e fundit nga