“Denar Biba në krye të Autoritetit të Konkurencës”/ “Proteston” Braçe, deputeti i PS bën opozitarin

6 Dhjetor 2021, 12:36, Politikë CNA

Në mbledhjen e sotme në Komisionin e Ekonomisë dhe Financave është diskutuar kandidatura e Denar Bibes, për Kreun e Autoritetit të Konkurrencës.

Por, kandidatura e Denar Bibës është kundërshtuar edhe nga deputeti i PS, Erion Braçe.

Ky i fundit është shprehur se ka rezerva për figurën e Denar Bibës.

Braçe tha se ?ka rezerva për integritetin? e Bibës, ndërsa shtoi se për fushën për të cilën po ngarkohet, nuk ka ekspertizën.

“Po zotëria ka qenë në një detyrë shtetërore, dhe për atë unë kam rezerva të mija. Jo vetëm për atë, por për të gjithë komisionin e prokurimit publik që është shkarkuar i gjithi. Do ishte mirë t?ja thoja në sy zotërisë nëse do të ishte këtu. Kandidatura e zotërisë ka tre probleme, është një pedagog shumë i mirë i së drejtës kushtetuese, por me thënë të drejtën, në këtë fushë për të cilën e kemi ngarkuar nuk ka ndonjë ekspertizë.

Kam rezerva për integritetin e zotërisë, kur të jem ballë për ballë, po e lë me kaq. Kam rezerva. Ai nuk është se ka qenë ndonjëherë pjesë e strukturave të PS. Puna e bërë deri tani në Autoritetin e Konkurrencës, vlerësimi është tërësisht negativ. Dhe i jam referuar qëndrimeve publike të marra në atë institucion. Po ua them që për mua vlerësimi është negativ, nuk është kuptuar fare roli i atij institucioni. Është aty për të mbrojtur interesi publik, madje edhe kur shtypet një apo dy kompani në treg, nga fuqia korruptive, klienteliste e kompanive të tjera, ajo që shqyrtohet është interesi publik, liria e tregut. Kjo është natyra e atij institucioni.”-tha Braçe.

Po ashtu edhe opozita ka reaguar ashpër, duke theksuar se Biba është akuzuar nga një anëtar i Gjykatë së Strasburgut.

?Duam që zotëria të vijë, dhe të na paraqesë platformën e vetë dhe për të treguar vizionin e tij për të drejtuar këtë institucion. Institucioni i konkurrencës është shumë e rëndësishme. Ne absolutisht nuk gjykojmë që zotëria do të ketë besimin e një pjese të mirë, jo vetëm të opozitës por edhe shoqërisë. Mos të harrojmë që është, jo vetëm me afërsinë politike, por të mos harrojmë që është personi që ka mbajtur një pozicion të lartë shtetëror që është akuzuar nga një anëtar i Gjykatës së Strasburgut.Kur keni qenë ju në opozitë, keni pasur një post. Ka uzurpuar pozicionin e anëtarit që e ka mbajtur opozita.?, ka thënë Alfred Rushaj.

Por, Denar Biba ka marrë miratimin e Komisionit të Ekonomisë për t?u zgjedhur në krye të Autoritetit të Konkurrencës. Emri i tij pritet t’i shkojë Kuvendit, për të zëvendësuar në krye të Autoritetit të Konkurrencës Luljana Latifin. Biba mori 4 vota kundër, atë të Erion Braçes, Alfred Rushaj, Edmond Spahos dhe Arbi Agalliut./CNA.al