LEXO PA REKLAMA!

SHKARKO APP

“11 dhjetori na bashkon”/ Muçollari: Unë jam foltorist, ja pse

5 Dhjetor 2021, 20:55, Politikë CNA

Sekretari i FRPD Grigels Muçollari u shpreh se falë Foltores, është mundësuar hapësira për të kritikuar para kamerave njëri-tjetrin dhe analizën e PD që nuk është lejuar deri tani të bëhej.

Përmes një postimi në rrjetin social Facebook, Muçollari shkruan se është foltorist dhe e mbështet këtë lëvizje, që i dha zë mendimit ndryshe.

Sekretari i FRPD shtoi se 11 dhjetori është bashkimi i demokratëve, për një parti më të fortë dhe më të hapur.

?Foltorja na dha mundësinë për të bërë para kamerave analizën që nuk u lejua të bëhej, dhe hapësirën për të kritikuar njëri-tjetrin pa doreza.

I dha zë mendimit ndryshe, që është themeli krenar i Partisë Demokratike! Prandaj unë jam foltorist!

Të gjithë aty jemi. 

Falenderoj Zekri A. Picari për organizimin dhe fjalët e tij frymëzuese, dhe të gjithë demokratët në SHBA për këtë riorganizim që na i ngre zemrat peshë!

11 dhjetori na bashkon, na bën më të fortë dhe më të hapur?, shkruan Muçollari./E.K-CNA.al

Lajmet e fundit nga