Mustafaj ia plas në fytyrë Bashës/ “18 dhjetori ngrehinë pa themel”

6 Dhjetor 2021, 12:49, Politikë CNA

Diplomati Besnik Mustafaj ka deklaruar se Kuvendi Kombëtar i 18 dhjetorit është një ngrehinë pa themel, e cila do të shembet pa iu hedhur çatia.

Sipas Mustafaj, Basha dhe bashkëpunëtorët e tij që nga shpërthimi i krizës në PD e deri në fund të Foltoreve ka qëndruar jashtë çdo debati politik, i mbyllur në zyrë duke kundërshtuar Kuvendin e 11 dhjetorit me argumente vetëm teknike apo proceduriale.

Në një analizë për media, Mustafaj thekson se Basha nuk e pranoi kurrë krizën e PD dhe refuzoi të bënte politikë.

?Lulzim Basha me bashkëpunëtorët e tij, nga mungesa e vizionit ose zgjedhja e një strategjie të gabuar, qysh në shpërthimin e kësaj krize e deri në fund të fushatës së ?Foltores? kanë qëndruar me këmbëngulje jashtë debatit politik, të mbyllur në zyrë me njëri ? tjetrin, duke kundërshtuar në mënyrë virtuale mbledhjen e Kuvendit të 11 dhjetorit me argumente vetëm teknike apo proceduriale. Madje, Basha dhe ekipi i tij nuk e pranuan asnjëherë faktin se ka krizë apo se ka rrezik përçarjeje të partisë. Pra, ata refuzuan, do të thosha verbërisht, të bëjnë politikë.

Për pasojë, ata përjashtuan çdo mundësi komunikimi me rrymën përballë, komunikim ky që do të duhej të ishte intensiv dhe në rritje, kryesisht publik, i cili sigurisht që do t?i pasuronte idetë në të dy platformat, duke nxjerrë në pah edhe pikat e përbashkëta lidhur me domosdoshmërinë për reformim të thellë të partisë.

Por ky komunikim do të duhej të ishte edhe ?diplomatik?, me takime larg syve të publikut, në emër të interesit të përbashkët dhe vetëm të këtij interesi. Basha dhe të vetët, madje, mbyllën veshët edhe ndaj propozimeve që vinin nga demokratë të shqetësuar e që nuk ishin pjesë e asnjërës palë. E tillë më duket mua, për shembull, platforma për një konventë kombëtare, që shtroi publikisht ish-deputeti Romeo Gurakuqi. Jo. Sepse ata ishin të vendosur të flisnin vetëm në gjuhë teknokratike, rrjedhimisht të pakuptueshme për demokratët e shqetësuar.

Për më keq, kjo strategji ?apolitike? e veshi sjelljen dhe ligjërimin e tyre me një arrogancë, që vetëm e dobishme nuk ishte për rrethanat. Arroganca nuk mund ta kompensonte mungesën e përmbajtjen politike, për të cilën kishte dhe ka nevojë kjo histori. Kështu që edhe tentativa e tyre për të mbledhur një kuvend bis me 18 dhjetor më duket pa asnjë themel. Dhe, si të gjitha ngrehinat pa themel, do të shembet sa pa iu hedhur ende çatia?, ka thënë Mustafaj./A.E-CNA.al