LEXO PA REKLAMA!

SHKARKO APP

App Store
Google Play

Zbulohet misteri i zemrës së zhdukur të Maradonës/ Ja ku përfundoi…

25 Nëntor 2021, 10:48, Sport CNA
Zbulohet misteri i zemrës së zhdukur të Maradonës/ Ja ku

Ku shkoi zemra e Diego Armando Maradonës? Dukej një mister, pasi ditët e fundit doli lajmi: ?Pibe de Oro? u varros pa zemër. Tashmë është sqaruar arsyeja: organi është nxjerrë më 25 nëntor gjatë autopsisë. Me atë rast, specialistët vendosën edhe heqjen e mëlçisë dhe veshkave për t?i studiuar më në detaje, procedurë kjo që shpesh aplikohet kur nuk janë të qarta arsyet e vdekjes.

Gjyqtarët që po ndjekin çështjen, kanë përcaktuar se ku do të mbahen dhe për sa kohë. Kështu, më 2 dhjetor 2020, pikërisht një javë pas vdekjes së Maradonës, zemra, mëlçia dhe veshkat, u transferuan në Departamentin e Anatomisë Patologjike të Mbikëqyrjes Shkencore të Policisë së provincës së Buenos Aires.

Një operacion i përfunduar me një sërë masash paraprake, sepse ishte planifikuar një sulm në rrjetet sociale, me qëllim vjedhjen e zemrës së Maradonës dhe mbajtjen e saj si trofe. Një plan operacional i zhvilluar në detaje: grupi kishte studiuar se si dhe ku të hynte në ndërtesë.

Në ekzaminimet plotësuese u konstatua se zemra e Maradonës peshonte 503 gram, pothuajse dyfishi i asaj të një personi të shëndetshëm. Informacioni i lejoi specialistët të përcaktonin se vdekja e Maradonës ishte shkaktuar nga dëmtimi i zemrës. Përveç kësaj, janë gjetur disa plagë për shkak të mikroinfarkteve të pësuar në të kaluarën.

Sipas protokollit, organet e Diegos do të ruhen për 10 vitet e ardhshme në formalinë. Dhe gjatë gjithë kësaj kohe, zemra e Maradonës do të mbahet, me një nivel të lartë sigurie, në Departamentin e Anatomisë Patologjike, që i përket Policisë së Buenos Aires, vetëm 300 metra nga stadiumet ?Gimansia? dhe ?Esgrima de La Plata?.

Lajmet e fundit nga