web counter
LEXO PA REKLAMA!

SHKARKO APP

App Store
Google Play

E fundit!

x

Rinovimi i lejeve të drejtimit/ DPSHTRR sqaron qytetarët: Kush përjashtohet nga ritestimi   

24 Nëntor 2021, 13:14, Aktualitet CNA

DPSHTRR ka dhënë sot një sqarim për të gjithë qytetarët shqiptarë, që do të rinovojnë lejet e drejtimit.

Në një njoftim për mediat, DPSHTRR sqaron se Pit-Stopi Edukativ është një risi e shërbimit që do të nisë së shpejti.

Por, sipas njoftimit do të përjashtohen nga ritestimi I njohurive, ata që janë me pikë të plota dhe pa tre kundravajtje të rënda të përsëritura në vitin e fundit paraardhës.

?Ndjejmë keqardhje për të gjithë ata që dynden drejt sporteleve të DPSHTRR për rinovimin para kohe të lejedrejtimit të tyre nga frika absurde dhe të keqkuptuar se mos do i kapë Pit-Stopi Edukativ, si një risi e shërbimit tonë që do të nisë së shpejti! Skena që na dëshmojnë se ka shumë individë që i tremb vetvetja, të cilëve si kategori u paskemi prekur damarët e duhur!

Ndërsa tregues pozitiv është fakti që risia e Pit-Stopit Edukativ ka shkundur edhe shumë individë që kanë vite pa e rinovuar lejedrejtimin dhe që vijonin ngisnin mjetet rrugore me lejedrejtimi të skaduara, në kundërshtim me ligjin!

Reagimi na konfirmon se po po bëjmë gjënë e duhur me Pit-Stopin Edukativ!

DPSHTRR ka qenë e qartë në tërë komunikimet publike sa i takon risisë së një Pit-Stopi Edukativ në momentin e aplikimit për rinovim lejedrejtimi:

Nuk ka asnjë ndryshim procedure për drejtuesit korrekt të mjeteve rrugore! Pra për tërë ata që janë me pikë të plota dhe pa tre kundravajtje të rënda të përsëritura në vitin e fundit paraardhës!

-Do të ketë një Pit-Stop Edukativ për këdo që sistemi i Policisë Rrugore e alerton si kontigjent përsëritës, me tre shkelje të rënda, me heqje pikësh, në vitin e fundit paraardhës!

-Do të ketë një Pit-Stop Edukativ për këdo që rinovon Lejedrejtimin nëse ka mbi tre vjet që i ka skaduar!

-(Nuk ka asnjë tarifë shtesë për ata që do t?i nënshtrohen Pit-Stopit Edukativ!)

 Çdo aplikant që rinovon Lejedrejtimin do të marrë dhuratë nga DPSHTRR një libërth informativ, orientues, këshillues mbi situatat dhe nocionet bazë të trafikut dhe të kujdesit për të tretët në qarkullim!?-thuhet në njoftim./CNA.al

Do të merrni apo rinovoni patentën?/ DPSHTRR bën njoftimin e rëndësishëm





Lajmet e fundit nga