LEXO PA REKLAMA!

SHKARKO APP

E fundit!

x

Rreziku i fëmijëve në internet/ Eksperti “këshillon” prindërit

23 Nëntor 2021, 19:19, Aktualitet CNA
Rreziku i fëmijëve në internet/ Eksperti

Eksperti i IT, Gent Progni tregoi disa nga mënyrat sesi prindërit  mund të ruajnë fëmijët e tyre, nga programe apo aplikacione që nuk janë për moshën e tyre dhe që përbëjnë rrezik për ta.

I ftuar në emisionin ?Debat? me Alba Alishanin në A2 CNN, ai theksoi se kërkohet një bashkëpunim shtet, familje dhe shpërndarës interneti, që të mundësojë një planifikim dhe një ofrim shërbimi “mbrojtës” për ta.

Më tej ai sugjeroi disa aplikacione, që mundësojnë kontrollin e fëmijëve në internet nga prindërit.

?Nuk është shumë e thjeshtë, për shkak të kulturës dhe moshës së prindërve. Doja të prezantoja dy mundësi, dy platforma, që përdoren në mobile, android dhe iOS. Ka një opsion që quhet ?Parental Controls?, i cili instalohet që në momentin që blihet pajisja e re dhe limitohet sipas moshës kontenti ku ai do të lundrojë në internet. 

Po ashtu, fëmijë nuk mund të instalojë asnjë aplikacion pa miratimin e prindërve. Po ashtu është edhe ?Child custody? që shton kontrollin edhe të mesazheve. Unë e shoh dorën më të sigurt dhe më të shpejtë te shpërndarësit e internetit, të cilët mund të instalojnë një ruter në familjet ku kanë fëmijë ose informacion paraprak se fëmija abuzon me kontentin në internet. 

Duhet një bashkëpunim, shtet, familje dhe shpërndarës interneti, që të mundësojë një planifikim dhe një ofrim shërbimi edhe pa e kërkuar prindërit”, tha Progni./CNA.al

Lajmet e fundit nga