LEXO PA REKLAMA!

SHKARKO APP

Derdhi naftë në bregdetin e Shëngjinit/ Në kërkim kapiteni i anijes, zbulohet identiteti

12 Nëntor 2021, 19:28, Kronika CNA
Derdhi naftë në bregdetin e Shëngjinit/ Në kërkim

Policia ka identifikuar dhe ka shpallur në kërkim kapitenin e anijes, shtetasin Ermir Kosova, i cili dyshohet se ka hedhur mbetje vajore, duke ndotur kështu ujin në detin e Shëngjinit.

Policia në njoftimin zyrtar, deklaron se rreth orës 15: 10 , janë njoftuar nga shërbimet e Policisë Kufitare , se kanë konstatuar ndotje të ujit, në fillimin e shetitores në bregdetin e Shëngjinit.

“Shërbimet e Stacionit të Policisë Shëngjin, të Komisariatit Lezhë dhe specialistët e Hetimit të Krimit Ekonomik e Financiar në DVP Lezhë kanë shkuar menjëherë në adresën e dhënë dhe kanë kryher veprimet e para hetimore për sqarimin e plotë të rrethanave të këtij rasti.

Gjatë verifikimeve të kryera dhe pas administrimit të raportit të nisjeve të anijeve në portin e Shëngjin, nga shërbimet e Policisë, ka rezultuar se ka dalë në lundrim anija tregtare me kapiten shtetasin Ermir Kosova, për të cilin u bë shpallja në kërkim, për veprën penale “Ndotja e ajrit, ujit dhe tokës” , pasi dyshohet të ketë hedhur mbetje vajore në detin e Shëngjinit”, thuhet në njoftimin e Policisë.

Policia gjithashtu njofton se janë marrë mostra të ndotjes për ekzaminim të mëtejshme, si dhe është administruar praktika e daljes së anijes nga porti./CNA.al

Lajmet e fundit nga