LEXO PA REKLAMA!

SHKARKO APP

Krimet mjedisore/ Procedohen penalisht 6 persona

11 Nëntor 2021, 12:20, Kronika CNA
Krimet mjedisore/ Procedohen penalisht 6 persona

Policia në Skrapar ka kryer kontrolle për të parandaluar krimet mjedisore. Policia ka proceduar penalisht 6 shtetasi pasi u kapën në flagrancë duke tranpsortuar pllaka guri decorative në një kamion.

Dyshohet se këto pllaka dekorative janë nxjerrë në zonën e mbrojtur të Malit të Tomorit, duke dëmtuar habitatet natyrore të saj.

?Kontrolle të pandërprera në të gjithë territorin, për parandalimin, evidentimin dhe goditjen e krimeve mjedisore.Procedohen penalisht 6 shtetas.Sekuestrohet në cilësinë e provës materiale një kamion që transportonte pllaka guri dekorative.

Specialistët për Hetimin e Krimeve në Komisariatin e Policisë Skrapar, në kuadër të planit për parandalimin dhe goditjen e krimeve mjedisore, si rezultat i kontrollit të territorit, proceduan penalisht shtetasit A.S., 30 vjeç, F.M., 26 vjeç, G.K., 40 vjeç, I.Q., 43 vjeç., K.K., 39 vjeç dhe Sh.K., 35 vjeç.

Shërbimet e Policisë kanë konstatuar se këta shtetas po transportonin me një mjet kamion, pllaka guri dekorative të cilat dyshohet të jenë mxjerr në zonën e mbrojtur të Malit të Tomorit, duke dëmtuar habitatet natyrore të saj.Materialet i kaluan Prokurorisë pranë Gjykatës së Shkallës së Parë Berat për veprime të mëtejshme.

Drejtoria e Policisë apelon për të gjithë qytetarët që të mos tentojnë të kryejnë krime mjedisore, si ndërtime pa leje, prerje të paligjshme të pyjeve, dëmtim të zonave të mbrojtura, ndotje të ajrit apo çdolloj krimi tjetër, pasi do të përballen me forcën e ligjit.

DVP Berat fton qytetarët që të denoncojnë në numrin 112 dhe në Komisariatin Dixhital, çdo paligjshmëri, duke iu garantuar anonimat të plotë, reagim të menjëhershëm dhe të paanshëm?, njofton policia./ CNA.al

Lajmet e fundit nga