LEXO PA REKLAMA!

SHKARKO APP

Bastiset shtëpia e Rezart Taçit/ Biznesmeni që bashkëpunoi me mafian italiane në arrati

12 Nëntor 2021, 10:06, Kronika CNA
Bastiset shtëpia e Rezart Taçit/ Biznesmeni që bashkëpunoi

SPAK, ka njoftuar se biznesmeni Rezart Taçin, është shpallur në kërkim pasi GJKKO ka dhënë masën e arrestit me burg.

Po, sot, Policia ka bërë kontroll në shtëpinë e Rezart Taçit, duke e bastisur, por pa mundur të gjejë biznesmenin.

Taçi thuhet se qëndron i fshehur në Zvicër, por ende nuk dihet saktësisht.

SPAK ka sekuestruar mbi 18 milionë euro, të cilët dyshohet se janë përfituar nga një skenë mashtrimi.

Edhe mediat italiane i kanë bërë jehonë kësaj ngjarjeje, pasi Taçi dyshohet se në skemën e pastrimit të parave ka bashkëpunuar me Cosa Nostran në Itali.

Një nga personat e përfshirë, në skemën e mashtrimit me Taçin është 90-vjeçari nga Palermo, Francesco Zummo.

I njëjti edhe në të kaluarën ishte dyshuar për implikime në skemën e pastrimit të parave si dhe njihej si mik i afërt i ish-kryebashkiakut Vito Ciancimino.

Sipas mediave italiane, në arrest ka përfunduar edhe kontabilisti Fabio Petruzzella, pasi dyshohet se ka vendosur 19 milion euro në një llogari bankare në Tiranë, për të shpëtuar këtë shumë parash nga konfiskimi./CNA.al

Lajmet e fundit nga