LEXO PA REKLAMA!

SHKARKO APP

Këlliçi “dush të ftohtë” Bashës/ Ja pse u shtynë zgjedhjet në FRPD, Luli mos përçajë të rinjtë

6 Nëntor 2021, 17:23, Politikë CNA
Këlliçi “dush të ftohtë” Bashës/ Ja pse u

Kreu i FRPD Belind Këlliçi ka reaguar ashpër ndaj veprimeve të Lulzim Bashës për të uzurpuar organizatat partnere të PD, të cilat funksionojnë me statut më vete.

Në një postim në rrjetin social Facebook, Këlliçi rendit arsyet pse nuk janë zhvilluar zgjedhjet për kreun e ri të FRPD, duke shtuar se janë të hapur për riorganizimin e brendshëm të FRPD, menjëherë sapo PD të zgjidhë problemet e veta me mendimin ndryshe në parti.

Postimi i Këlliçit:

FRPD dhe LDG janë organizata partnere të PD-së. Secila vepron me statutin e saj dhe riorganizohet nëpërmjet votës së lirë, e jo prej vullnetit personal të kryetarit të partisë.

Ndihem i keqardhur që kryetari Basha e trajtoi mungesën e zgjedhjeve në FRPD si një letargji të qëllimtë nga ana jonë.

Dëshiroj të sqaroj anëtarësinë e FRPD dhe të PD, si dhe të gjithë demokratët brenda dhe jashtë vendit, se ka qenë kryetari Basha që ka sugjeruar shtyrjen e procesit të zgjedhjeve për shkak të tërmetit shkatërrues të Nëntorit 2019 dhe aksionit tonë në terren për t?iu gjendur afër qytetarëve.

Gjithashtu, prej karantinës dhe masave shtrënguese anti-Covid19 që paralizuan lëvizjen e lirë dhe veprimtaritë ekonomike, sociale e më gjerë.

Me nisjen e vitit elektoral 2021, na u kërkua prej tij të përqëndronim të gjithë energjitë tona në fushatën zgjedhore për zgjedhjet e 25 prillit, ku i tërë forumi rinor u angazhua në çdo qytet, lagje, rrugicë e fshat, për të fituar zgjedhjet dhe për të bërë Kryeministër Lulzim Bashën.

Jemi të hapur për riorganizimin e brendshëm të FRPD, menjëherë sapo PD të zgjidhë problemet e veta me mendimin ndryshe në parti. Gjëja e fundit që i shërben PD në këto momente është një përçarje e rradhës mes të rinjve apo zonjave demokrate./CNA.al

Lajmet e fundit nga