LEXO PA REKLAMA!

SHKARKO APP

“Opozita nuk na sfidon intelektualisht”/ Rama flet për marrëdhënien me Bashën: Nuk jam komod

6 Nëntor 2021, 17:07, Politikë CNA
“Opozita nuk na sfidon intelektualisht”/ Rama flet për

Kryeministri Edi Rama ka folur për marrëdhënien e tij me opozitën dhe ftesa për bashkëpunim.

I pyetur nga gazetarja Nisida Tufa se sa komod ndihet përballë Bashës si kryetar i PD, Rama tha se sa më sfiduese të jetë opozita aq më e mirë është qeveria.

Por ai shtoi se opozita dhe Basha nuk po i sfidon intelektualisht dhe as duke kërkuar ndonjë rrugë më të mirë për zgjidhjen e problemeve.

?Sa më sfiduese të jetë opozita, aq më e mirë është qeveria. Këtu nuk ka ndonjë gjë për shkencë. Është elementare. Ne natyrisht kemi patur fatkeqësinë të kemi qenë të sfiduar nga një opozitë e dhunshme, nga nje opozitë muskujsh dhe agresionesh që kanë lidhje më shumë me barbarinë sesa me qytetarinë dhe kjo nuk ështe se e ka ndihmuar procesin e qeverisjes ne Shqipëri. Përgjigjia ime është: Jo unë nuk ndihem komod për faktin që kemi përballë një opozitë që nuk na sfidon intelektualisht, nuk na sfidon për t?u sforcuar më shumë dhe për të kërkuar rrugët dhe zgjidhjet më të mira për të adresuar problemet.

Por na sfidon duke sfiduar themelet e institucioneve, duke sfiduar themelet e vetë ekzistencës tonë demokratike deri në pikën që të vërë në diskutim se kush janë Shtetet e Bashkuara, kush është ky kush është ai. Deri në pikën që të ngrejë pikëpyetje në integritetin e institucioneve më të rëndësishme të SHteteve të Bashkuara, deri në pikën që të krijojë një frymë të një sovranizmi fshtaresk, në kuptimin më të keq të fjalës..se ku mi gjen fshatarët që punojnë tokën, e ku mi gjen gjithcka që është fshatareske në traditën e mirë të një vendi por në kuptimin e një provincializmi të atyre që kapardisen me costume po nën kostum kanë fantazmën e një të shkuare që nuk ka shans të kthehet në Shqipëri?, tha Rama./CNA.al

Lajmet e fundit nga