LEXO PA REKLAMA!

SHKARKO APP

Hakmarrja e Bashës ndaj FRPD/ Deputetët ‘copëtojnë’ Lulin

6 Nëntor 2021, 11:57, Politikë CNA
Hakmarrja e Bashës ndaj FRPD/ Deputetët

Kryetari i PD, Lulzim Basha ka shpallur zgjedhjet për kreun e FRPD. Kjo lëvizje e tij ka shkaktuar shumë reagime nga deputetë të PD, të cilët e kanë quajtur këtë vendim të Bashës të pabazuar në statut.

Deputeti Tritan Shehu, këtë lëvizje të Bashës e ka quajtur një ndërhyrje të pabazuar dhe larg autonomisë demokratike të organizateve partnere.

Sipas tij ky është një tjetër mesazh urgjent për tu mbledhur Kuvendi Kombëtar për të vendosur rregullat kolegjiale të bashkëjetesës.

?Ndryshe rrezikojmë për më të keqen. Ndërhyrja e pa bazuar në statut dhe larg autonomisë demokratike të organizatave tona partnere, në rastin konkret ndaj FRPD, është një mesazh tjetër i qartë e urgjent për t?u mbledhur në Kuvend dhe evidentuar, sanksionuar, formuluar nga e para në qoftë se duhet, rregullat kolegjiale të bashkëjetesës sonë?, shkruan Shehu në rrjete sociale.

Ndërsa një tjetër reagim ka ardhur nga deputetja Albana Vokshi, e cila përmes një statusi në rrjetet sociale, shkruan se Partia Demokratike ka nevojë për demokraci, jo arbitraritet.

?Partia Demokratike ka nevojë për demokraci, jo arbitraritet!Statuti i Partisë është i qartë: vendim-marrja e brendshme nuk lihet në një dorë. Përkundrazi, ajo është e shpërndarë mes një sërë organesh dhe drejtuesve të ndryshëm.

Organizatat Partnere të Partisë Demokratike, LDGSH dhe FRPD, janë forume që organizohen dhe drejtohen në bazë të Statutit të tyre. Askush, as Kryetari i PD, nuk ju merr dot vendimmarrjen.

Asnjë organ,  asnjë funksionar nuk mund të uzurpojë pushtetin që statuti ja njeh një forumi, organi apo funksionari tjetër.

Vecanërisht në situata  debati apo përplasjesh të brendshme, inati,  hakmarrja, intrigat nuk duhet të  prevalojnë ndaj statutit.

Përkundër, Statuti është vendimtar dhe mbi të gjitha ceshtjet e mbi te gjithë.

Pas 31 vjetësh, cdo demokrat është në mision, për t?u bashkuar për të ringritur partinë nëpërmjet fuqizimit të anëtarësisë, forcimit të demokracisë të brendshme, respektimit të  fjalës dhe mendimit të lire?, ka shkruar Vokshi në statusin e saj./ CNA.al

Lajmet e fundit nga