LEXO PA REKLAMA!

SHKARKO APP

App Store
Google Play

E fundit!

x

Vendimi i Bashës për zgjedhjet në FRPD/ Këlliçi: I pabazuar, përtej kompetencave të kryetarit

5 Nëntor 2021, 21:44, Politikë CNA
Vendimi i Bashës për zgjedhjet në FRPD/ Këlliçi: I

Kreu i FRPD dhe deputeti Belind Këlliçi, ka reaguar në një deklatratë për shtyp mbi vendimin e kreu të PD Lulzim Basha përsa i përket shpalljes së zgjedhjeve për kreun e FRPD.

Këlliçi u shpreh se vendimi është i pabazuar në statutin e PD, dhe se PD është në një gjendje të vështirë dhe nuk është momenti për të uzurpuar institucionin apo FRPD, për të krijuar përçarje të thella brenda PD.

Deklarata e plotë e Këlliçit

Vendimi i sotëm është i pabazuar qoftë në statutin e PD, dhe është përtej kompetencave të kryetarit të PDSH-së, qoftë në statutin e forumit Rinor të PD. Ka një nen të caktuar për organizatat partnere që tregon funksionimin dhe pavarësinë e organizatave partnere në statutin e PDSH-së, i cili në asnjë nen, në asnjë gërmë të tij nuk flet për një kompetencë të kryetarit për të shpallur zgjedhjet në një organizatë  partnere.

Kryetari i PDSH-së sigurisht që udhëheq, monitoron, shpall vakanca, komandon, ka të drejtën e ndërhyrjes brenda strukturave të PD. Për  fat të mirë Forumi Rinor i PD është organizatë partnere e PD. Ne kemi një statut që është në modelin e CDU-së gjermane e Junge Union e kristian demokratëve në union dhe atij statuti ne i jemi bazuar gjatë punës tonë dhe vijojmë ti bazohemi.

Është e vërtetë që mandati im dhe i një pjese dërrmuese të anëtarëve të kryesisë ka skaduar, por ne jemi në  të drejtën e ushtrimit të mandatit deri në zëvendësimin tonë përmes një procesi zgjedhor, brenda forumit rinor, të organizuar mbi statutin e forumit rinor dhe deri në dorëzimin e institucionit tonë tek trupa e re që do të zgjidhet me një anëtarë një votë.

Ne jemi një institucion, ku brenda nesh ka përplasje idesh, jo të të gjithë mbase mund të ketë momente të caktuara që mund të biem dakord, ccuditërisht sot ka pasur një vendimmarrje unanime si asnjë herë më parë të kryesisë së forumit rinor. 100%  e atyre që kanë qenë pjesëmarrës në mbledhje janë shprehur kundër vendimit të kryetarit të PDSH-së dhe ne sot jemi këtu për të bërë të ditur, edhe opionint publik që ky ka qenë një proces që ne e kemi gjykuar  edhe vetë për ta nisur muajin mbarë.

Duke qenë se nga data 10 shtator e këtij viti, PD ndodhet në një gjendje të vështirë dhe ndodhet në një krizë të brendshme që ne gjykojmë  që duhet të marrë zgjidhje përmes institucioneve dhe përmes votës dhe të vërtetës, se ka ardhur momenti ti themi disa të vërteta, ne nuk kemi vepruar dhe kemi gjykuar se nuk është ky momenti as për të uzurpuar institucione, as për të uzurpuar FRPD dhe as për të krijuar përccarje më të thella  brenda strukturave të PD.

Që nga dita e parë që unë kam shkelur këmbë në PD, kam pasur një qasje për të mos humbur  as edhe një anëtar, më të thjeshtin të Forumit Rinor por edhe të PD. Jo më ne sot ta fusim një organizatë të tërë partnere të PDSH në një konflikt të brendshëm. Kështu që qëndrimi ynë unanim i cili do u bëhet me dije ju në orët në vijim, pasi është firmosur në mënyrën 100% nga të gjithë anëtarët e kryesisë ka qenë i prerë që ne këtë proces nuk e njohim dhe në  momentin kur do të piqen kushtet në PD, për të pasur një proces të vërtetë dhe real pa asnjë diskutim ne kemi detyrim statutor, unë i pari të bëjmë më të mirën tonë për të pasur  një trupë të re drejtuese të Forumit Rinor.

Unë personalisht, jam krenar që në këto gjashtë vite kam drejtuar  strukturën më vitale të PD.Çdo shtëpi ka themelet e saj  dhe themelet e PD janë te FRPD. Jam krenar oër demokracinë tonë të brendshme, jam krenar që në forumin rinor ka përplasje idesh, ka mosdakordësi hera herës, por përherë vendimet merren me votë dhe me shumicë votash. Kemi anëtarë që janë diplomuar në top universitetet më të mira të botës dhe një pjesë e mirë e medias nuk i njeh, por do të jetë mundësia në ditët në vijim që ti njihni./ CNA.al

Lajmet e fundit nga