E fundit!

12:20 Kronika

E arrestuar për pastrim parash/ Ish zyrtarja, Alda Klosi përfundon në spital

Ish zyrtarja, Alda Klosi ka përfunduar në spital. Sip...

PD e Fierit peticion Bashës/“Tërhiqu, nuk vendos ti për ne”

31 Tetor 2021, 14:06, Politikë CNA

PD e Fierit peticion Bashës/“Tërhiqu, nuk vendos ti për

Lulzim Basha, kreut të PD në detyrë, duket se i ka mbetur vetëm selia në Tiranë.

Braktisjet ndaj tij nuk ndalen. Lëvizjet e tij për t?u hakmarrë ndaj Foltores së ish-kryeministrit Sali Berisha, kanë prekur PD e Fierit.

Basha doli me një vendim për shkarkim e Luan Baçit, pasi ky i fundit u rreshtua në krah të ‘Foltores’ së ish-kryeministrit Sali Berisha.

Baçi ishte i pranishëm në ?Foltoren? e Fierit, gjithashtu edhe me deklarata ai ka qenë pro lëvizjes së ish-kryeministrit Berisha.

Në vend të Luan Baçit, Lulzim Basha komandoi Agron Kapllanajn, ky i fundit një i dënuar me dy vite burg në Itali për vjedhje,e konfirmuar kjo nga formulari dekriminalizimit.

Kjo situatë ka shkaktuar reagim në PD e Fierit, ku kryesia dhe anëtarësia me anë të një peticioni i janë drejtuar Lulzim Bashës, që të bëjë pas nga ky vendim.

Demokratët e Fierit ia kanë bërë të qartë Bashës se janë ata që vendosin për zgjedhjen e kryetarit, nëse duhej, por një gjë e tillë sipas tyre nuk është emergjente.

?Kryesia e degës së Fier nuk është dakort për emërime apo komandime në këtë situatë, aq më tepër kur nuk janë vendime të dala nga kryesia apo strukturat e saj.

Në qoftë se duhet të zgjidhet një drejtues për degën e Fierit është kryesia dhe anëtarësia e kësaj dege që duhet të vendos, ose Dega e Fierit duhet të futet në zgjedhje për të zgjedhur kryetarin e saj.

Në lidhje me shkresën e dorëheqjes prot/60/4 , nuk i është vënë kurrë në dispozicion kryesisë së degës, e cila kishte për detyrë të niste procedurat.

Ne jemi një degë me rezultate pozitive në tre palë zgjedhje. Dega jonë ka njohur vetëm progres dhe nuk kemi emergjencë për t?u marrë me këtë gjë?, thuhet në peticionin e PD-së , dega Fier.

Peticioni, të cilin do ta sjellim më poshtë, është firmosur nga kryesia, pra nga kryetarët e grup seksioneve dhe anëtarët e PD-së, baza e PD atje.

Kujtojmë se më herët në të njëjtën mënyrë me anë të një peticioni kanë reaguar dhe kanë dalë kundër Bashës edhe kryesia Partisë Demokratike si dhe drejtuesit e FRPD-së./CNA.al