LEXO PA REKLAMA!

SHKARKO APP

App Store
Google Play

Qytetarët tregojnë si përjetuan orët pa Facebook, Instagram dhe Whatsapp

5 Tetor 2021, 15:37, Sociale CNA
Qytetarët tregojnë si përjetuan orët pa Facebook, Instagram

?Sikur u errësua jeta, jemi mësuar është bërë pjesë e jetës. Në mungesë të komunikimit, ua thamë, na mungoi diçka si oksigjeni?.

Mosfunksionimi i rrjeteve sociale, Facebook, Instagram dhe Whatsapp për më shumë se gjashtë orë, mbajti pezull qytetarët të cilët nuk e heqin për asnjë çast celularin nga duart.

?Për adoleshentët është pak më e vështirë, se aty ne shikojmë jetën, që ku po shkon, çfarë po bën, kush je?, tha një i ri.

?Unë nuk jetoj këtu dhe flas me rrjetet sociale dhe dje më penguan jashtë mase. Rrjetet sociale janë gjithçka sot edhe më ndikuan shumë?, u shpreh një zonjë.

?Pata më shumë kohë që të kaloj me familjen?, tha një e re.

?Mendoj që po vjen një kohë që nuk duhet ti përdorim më, më duken thjesht fasadë?, u shpreh një e re.

Psikologia Arjana Muça na tregon se shkëputje të tilla të komunikimit u përjetuan me ankth.

?Ka një ndikim psikologjik tek individi, dje u tregua ankthi që u përjetua në grupmosha të caktuara. Telefoni ka qenë gjatë gjithë kohës në vëzhgim, për të parë nëse ky kontakt do rifillonte apo jo, kjo e tregon më së miri sesa të varur jemi ne nga rrjetet sociale?, u shpreh Arjana Muça.

Psikologia na këshillon që në momente të caktuara të ditës, të shkëputemi nga celulari duke e mbajtur atë larg vetes, pasi varësia nga rrjeteve sociale ka zbehur komunikimin së më sy me njerëzit.

Rrjeti social më i përdorur në Shqipëri është Facebook me 1.2 milionë përdorues, pasuar nga Instagrami me 1 milion përdorues. Në rang global 4.48 miliardë njerëz përdorin rrjetet sociale./euronews

Lajmet e fundit nga